Logical Telugu

5,204 నర్సింగ్ పోస్టులకు 40,936 మంది దరఖాస్తు!

తెలంగాణ ప్రభుత్వం డిసెంబర్‌లో 5,204 నర్సింగ్ పోస్టులకు నోటిఫికేష‌న్ ను విడుద‌ల చేయ‌గా మొత్తం 40,936 మంది దరఖాస్తు చేసుకున్నారు. ఈ ప‌రీక్ష‌ను మెడికల్ హెల్త్ సర్వీసెస్ రిక్రూట్‌మెంట్ బోర్డ్ (MHSRB), ఆన్‌లైన్ కంప్యూటర్ బేస్డ్ టెస్ట్ (CBT) ద్వారా నిర్వహిస్తుంది. MHSRB విడుద‌ల చేసిన నోటిఫికేష‌న్ లో డైరెక్టర్ ఆఫ్ మెడికల్ ఎడ్యుకేషన్/ పబ్లిక్ హెల్త్ అండ్ ఫ్యామిలీ వెల్ఫేర్ డైరెక్టర్ కింద 3,823 పోస్టులు, తెలంగాణ వైద్య విధాన పరిషత్ (TVVP)లో 757, MNJ క్యాన్సర్ హాస్పిటల్‌లో 81, వికలాంగులు మరియు సీనియర్ సిటిజన్స్ వెల్ఫేర్ విభాగంలో 8 పోస్టులు ఉన్నాయి. , తెలంగాణ మైనారిటీల రెసిడెన్షియల్ ఎడ్యుకేషనల్ ఇన్‌స్టిట్యూషనల్ సొసైటీలో 127, మహాత్మా జ్యోతిభా ఫూలే తెలంగాణ వెనుకబడిన తరగతుల సంక్షేమ రెసిడెన్షియల్ ఎడ్యుకేషనల్ ఇన్‌స్టిట్యూషన్స్ సొసైటీలో 197, తెలంగాణ సోషల్ వెల్ఫేర్ రెసిడెన్షియల్ ఎడ్యుకేషనల్ ఇన్‌స్టిట్యూషన్స్ సొసైటీలో 74 మరియు తెలంగాణ రెసిడెన్షియల్ ఎడ్యుకేషన్ ఇన్‌స్టిట్యూషనల్ సొసైటీలో 13 పోస్టులున్నాయి.

క‌రెంట్ ఎఫైర్స్ రివిజ‌న్ -1

Questions :

1) ఇంట‌ర్నేష‌న్ ఇంట‌లెక్చువ‌ల్ ప్రాప‌ర్టీ ఇండెక్స్ లో ఇండియా స్థానం?

2) వ‌రల్డ్ హ్యాపీనెస్ ఇండెక్స్ లో ఇండియా స్థానం ?

3) 2023 రిప‌బ్లిక్ డే చీఫ్ గెస్ట్ ఎవ‌రు?

4) ప్ర‌భుత్వ పాఠ‌శాల‌లో విద్య‌ను పూర్తిచేసిన అమ్మాయిల ఉన్న‌త విద్య‌కోసం నెల‌కు 1000రూపాల‌య‌ను స్కాల‌ర్ షిప్ గా ఇస్తున్న రాష్ట్రం ?

5) వ‌న్ ఫ్యామిలీ వ‌న్ ఐటెంటిటీ అనే పోర్ట‌ర్ ను ప్రారంభించిన రాష్ట్రం ?

6) లాడ్లీ బెహ‌నా స్కీమ్ ను ప్రారంభించిన రాష్ట్రం?

7) జాగా మిష‌న్ స్కీమ్ కు గాను ఒడిషాకు 2023 వ‌ర‌ల్డ్ హ‌బిటాట్ అవార్డు ల‌భించింది. జాగా మిష‌న్ దేనికి సంబంధించిన‌ది?

8) బోధ‌కాలు వ్యాధి ఇండియానుండి ఎప్ప‌టి వ‌ర‌కు అంత‌మ‌వ్వ‌నుంది?

9) ఉప‌గ్ర‌హాల సంఖ్య అధికంగా ఉన్న గ్ర‌హం?

Advertisement

10) విమెన్ ప్రీమియ‌ర్ లీగ్ విజేత

Answers :
స‌మాధానాలు & వివ‌ర‌ణ :

1) 42వ స్థానం, ఈ ఇండెక్స్ ను యుఎస్ ఛాంబ‌ర్ ఆఫ్ కామ‌ర్స్ విడుద‌ల చేస్తుంది.

2) 126, UN SDSN- UN స‌స్టైన‌బుల్ డెవ‌లప్మెంట్ సొల్యూష‌న్స్ నెట్ వ‌ర్క్ విడుద‌ల చేసే ఈ రిపోర్ట్ లో మొత్తం దేశాల సంఖ్యం 146. ఫిన్లాండ్ 6 సంవ‌త్స‌రాల నుండి మొద‌టి స్థానంలో ఉంది.

3) ఈజిప్ట్ అధ్య‌క్షుడు – అబ్దుల్ ఫ‌తాహ్ ఇల్ -సిసి

4) త‌మిళ‌నాడు, ఆ స్కీమ్ పేరు -ప‌దుమ‌న్ పెన్న్.

5) ఉత్త‌ర‌ప్ర‌దేశ్

6) మ‌ధ్య‌ప్ర‌దేశ్

7) మురికివాడ‌ల్లో నివసించే వారికి సాధికారిత‌ను అందించేందుకు

8) 2027

9) జూపీట‌ర్ – 92 ఉప గ్ర‌హాలు, శ‌ని 83.

10) ముంబై ఇండియ‌న్స్ ,డిల్లీ క్యాపిట‌ల్స్ ను ఓడించింది

పెళ్లికి ముందు ట‌్రాఫిక్ సిగ్న‌ల్ ద‌గ్గ‌ర నీతాతో ముఖేష్ అంబానీ చేసిన చిలిపి ప‌ని… మొండిప‌ట్టు!

ముఖేష్ అంబానీ బిజినెస్ టైకూన్….ప‌క్కా ప్లానింగ్, అంత‌కు మించిన‌ ఎగ్జ్యూష‌న్…..అలా ఉండ‌బ‌ట్టే నేడు రిల‌య‌న్స్ ను టాప్ ప్లేస్ లో నిల‌బెట్టాడు. అలాంటి వ్య‌క్తి …పెళ్లికి ముందు నీతాతో ట్రాఫిక్ సిగ్న‌ల్ వ‌ద్ద ఓ చిలిపి ప‌నిచేశాడట‌! మ‌నోడు చేసిన ప‌నికి కొద్దిసేపు ఆ రోడ్డంతా ట్రాఫిక్ జామ్ అయ్యింద‌ట‌!

అస‌లేమైంది…
నీతా డాన్స్ చూసి….ముఖేష్ అంబానీ తండ్రి అయిన ధీరూభాయ్ అంబానీ ఆ అమ్మాయినే త‌న ఇంటి కోడ‌లిగా చేసుకోవాల‌ని ఫిక్స్ అయ్యి….త‌న ఇంటికి పిలిపించార‌ట‌…మాట ముచ్చ‌ట అయ్యాయి…కానీ సంబంధం ఇంకా ఫిక్స్ అవ్వ‌లేదు. ఈ క్ర‌మంలోనే ఒక‌రినొక‌రు అర్థం చేసుకోవ‌డానికి నీతా- ముఖేష్ లు డేటింగ్ లో ఉన్నార‌ట‌.!

ఒక‌రోజు ఇద్ద‌రూ కార్ లో ప్ర‌యాణిస్తున్న స‌మ‌యంలో…..
ఒక్క‌సారిగా నీతాకు ప్ర‌పోజ్ చేశాడ‌ట ముఖేష్…నీతా ఇంకా ఆన్స‌ర్ ఇవ్వ‌లేద‌ట‌.! అప్పుడే గ్రీన్ సిగ్న‌ల్ ప‌డింది….అయినా కార్ ముందుకు న‌డ‌ప‌కుండా అక్క‌డే ఆపేశాడు…వెనుక నుండి హార‌న్స్…అయినా కార్ క‌ద‌ల్లేదు..నువ్వు ఏ సంగతీ చెప్పేవరకు కారు కదిల్చేది లేదు అని మొండిప‌ట్టు ప‌ట్టాడ‌ట‌…నీతా య‌స్ చెప్పింద‌ట‌…కార్ ముందుకు క‌దిలింద‌ట‌.. మార్చి 8 ,1985 లో వాళ్ల పెళ్లైంది!

సికింద్రాబాద్ -తిరుప‌తి వందేభార‌త్ రైలు….న‌ల్గొండ, గుటూరుల మీదుగా…..

సికింద్రాబాద్ నుండి 2వ వందేభార‌త్ రైలుకు ముహూర్తం ఖ‌రారైంది. ఏప్రిల్ 8న ప్ర‌ధాన‌మంత్రి న‌రేంద్ర‌మోడీ సికింద్రాబాద్ నుంచి తిరుపతికి వందే భారత్ ఎక్స్‌ప్రెస్ రైలును ప్రారంభించ‌నున్నారు. ఈ ట్రైన్ సికింద్రాబాద్ – నల్గొండ, గుంటూరు, ఒంగోలు, నెల్లూరు, గూడూరుల మీదుగా తిరుప‌తికి చేరుకుంటుంది. ప్ర‌స్తుతం 12 గంట‌లు ప‌డుతున్న జ‌ర్నీ వందేభార‌త్ కార‌ణంగా 9గంట‌ల‌కు త‌గ్గ‌నుంది.
తిరుప‌తికి ప్రతిరోజూ వేలాది మంది భక్తులు వెళ్తారు కాబ‌ట్టి ఈనిర్ణ‌యం తీసుకున్నారు.

ప్ర‌స్తుతం సికింద్ర‌బాద్ – వైజాగ్ కు న‌డ‌ప‌బ‌డుతున్న వందేభార‌త్ సెమీ హైస్పీడ్ రైలు 100శాతం ఆక్యుపెన్సీతో న‌డుస్తోంద‌ని ద‌క్షిణ‌మ‌ధ్య రైల్వే అధికారులు తెలిపారు. సికింద్రాబాద్ టు తిరుప‌తి వందేభార‌త్ రైల్ కోసం ప్ర‌స్తుతం 110 కి.మీ గా ఉన్న బీబీన‌గ‌ర్- గుంటూర్ మార్గాన్ని 130 కి.మీ గా అప్ గ్రేడ్ చేయాల్సి ఉంటుంది.

రోహిత్ శ‌ర్మ త‌ప్పిదాల వ‌ల్లే సూర్య 3 సార్లు గోల్డెన్ డ‌క్ అయ్యాడు : పాక్ ప్లేయ‌ర్!?

రోహిత్ శ‌ర్మ త‌ప్పిదాల వ‌ల్లే సూర్య 3 సార్లు గోల్డెన్ డ‌క్ అయ్యాడని పాకిస్తాన్ ఆట‌గాడు డానిష్ క‌నేరియా అభిప్రాయ‌ప‌డ్డాడు. అస్ట్రేలియా తో జ‌రిగిన బోర్డ‌ర్ గ‌వాస్క‌ర్ టోర్నీలో సూర్య వ‌రుస‌గా మూడు మ్యాచ్ లో గోల్డెన్ డ‌కౌట్ అయ్యాడు. మొద‌టి రెండు మ్యాచ్ లు మిచెల్ స్టార్క్ బౌలింగ్ లో LBW అయిన సూర్య‌, డిసైడ‌ర్ మ్యాచ్ లో జ‌స్టిన్ అగ‌ర్ బౌలింగ్ లో క్లీన్ బౌల్డ్ అయ్యాడు. ఇది టీమ్ ఇండియా సీరిస్ ఓటమిపై తీవ్ర ప్ర‌భావం చూపింది. సూర్య ఫామ్ లో లేక ఇబ్బంది ప‌డుతున్న సంద‌ర్భంలో రోహిత్ కెప్టెన్ గా సూర్య‌కు మ‌ద్ద‌తుగా నిల‌వాల్సింది పోయి.. మూడవ మ్యాచ్ లో అత‌డిని 7వ బ్యాట్స్ మెన్ గా దించాడు. అస‌లే ఆత్మ‌విశ్వాసం కోల్పోయి కాస్త ఇబ్బందిగా ఉన్న సూర్య‌ను రోహిత్ నిర్ణ‌యం మ‌రింతగా కాన్ఫిడెన్స్ ను కోల్పోయేలా చేసింది.

కోహ్లీకూడా ఫామ్ కోల్పోయిన‌ప్పుడు టీమ్ అంతా అత‌నికి స‌పోర్ట్ గా ఉన్నారు. అనేక అవ‌కాశాలు ఇచ్చారు. కానీ అత‌ని బ్యాటింగ్ ఆర్డ‌ర్ ను మాత్రం మార్చ‌లేదు. సూర్య విష‌యంలో కూడా అదే చేసి ఉండాల్సింద‌ని డానిష్ క‌నేరియా అన్నాడు. ఐసీసీ టీ20 ర్యాంకింగ్స్‌లో సూర్యకుమార్ యాదవ్ ప్ర‌స్తుతం నెం.1 స్థానంలో ఉన్నాడు. వన్డేలో మాత్రం ఇప్ప‌టివ‌ర‌కు 433 పరుగులు మాత్రమే చేశాడు.

తండ్రి కొడుకులు ( NTR+ బాల‌య్య‌) క‌లిసి న‌టించిన చిత్రాలు- వాటి విశేషాలు!

తండ్రి NTR తో క‌లిసి బాల‌కృష్ణ దాదాపు 12 చిత్రాల్లో న‌టించారు. వీరిద్ద‌రి కాంబోలో వ‌చ్చిన ప్ర‌తి సినిమా దాదాపు హిట్ అయ్యింది. అలా వీరి కాంబోలో వ‌చ్చిన 12 సినిమాలేవి? వాటి విశేషాలేంటో ఇప్పుడు చూద్దాం!

1) తాత‌మ్మ క‌ల‌:
NTR స్వీయ దర్శకత్వంలో 1974, ఆగస్టు 30న విడుదలైన ఈ చిత్రంతో బాలకృష్ణ మొదటి బాల నటుడిగా ఇండ‌స్ట్రీకి ప‌రిచ‌య‌మ‌య్యారు. ఈ సినిమా హిట్ టాక్ ను సొంతం చేసుకుంది. హ‌రికృష్ణ కూడా ఈ సినిమాలో క‌నిపించ‌డం విశేషం.
సినిమా రిజ‌ల్ట్ : హిట్

2) అన్నదమ్ముల అనుబంధం:
యాదోంకీ బారాత్ అనే హింది సినిమా రిమేక్ యే ఈ సినిమా.! ఈ సినిమాలో బాల‌కృష్ణ NTR కు త‌మ్ముడిగా న‌టించారు.
సినిమా రిజ‌ల్ట్ : సూప‌ర్ హిట్.

3) వేములవాడ భీమకవి:
9 వ శతాబ్దపు ప్రసిద్ధ తెలుగు కవి వేములవాడ భీమకవి జీవితం ఆధారంగా రూపొందించబడిన ఈ సినిమాలో కూడా తండ్రికొడుకులిద్ద‌రూ క‌లిసి న‌టించారు.
సినిమా రిజ‌ల్ట్ : యావ‌రేజ్

4) దాన వీర శూర క‌ర్ణ:
కేవలం 10 లక్షలతో తెర‌కెక్కిన ఈ సినిమా అప్ప‌ట్లోనే కోటి రూపాయలకు పైగా వసూలు చేసింది. 1994లో రెండవసారి విడుదలై మళ్ళీ కోటి రూపాయలు వసూలు చేసింది. ఈ సినిమాకు NTR యే ద‌ర్శ‌క‌త్వం వ‌హించ‌డం విశేషం.
సినిమా రిజ‌ల్ట్ : ఇండ‌స్ట్రీ హిట్

5) అక్బర్ సలీం అనార్కలి:
మొగల్ ఎ అజమ్ హిందీ సినిమా ఆధారంగా తెర‌కెక్కిన ఈ చిత్రంలో ఎన్.టి.ఆర్ అక్బర్ గా, బాలకృష్ణ సలీమ్ గా పోటీప‌డి న‌టించారు.
సినిమా రిజ‌ల్ట్ : హిట్

6) రౌడీ రాముడు కొంటె కృష్ణుడు:
కె. రాఘవేంద్రరావు దర్శకత్వంలో NTR, బాలకృష్ణ, శ్రీదేవిలు ప్రధాన పాత్రలుగా ఈ సినిమా తెర‌కెక్కింది.
సినిమా రిజ‌ల్ట్ : యావ‌రేజ్

7) అనురాగ దేవ‌త‌:
ఆశ అనే హిందీ సినిమా ఆధారంగా తీయ‌బ‌డిన ఈ సినిమాకు కె . రాఘ‌వేంద్ర‌రావ్ డైరెక్ష‌న్ చేయ‌గా NTR యే ప్రొడ్యూస్ చేశారు.
సినిమా రిజ‌ల్ట్ : హిట్

8) శ్రీమద్విరాట్ వీరబ్రహ్మేంద్రస్వామి చరిత్ర:
వీరబ్రహ్మేంద్రస్వామి చ‌రిత్ర‌ను ఆధారంగా NTR స్వీయా డైరెక్ష‌న్ లో వ‌చ్చిన సినిమా ఇది
సినిమా రిజ‌ల్ట్ : హిట్

9) సింహం నవ్వింది:
నందమూరి హరికృష్ణ 1983లో నిర్మించిన కామెడీ చిత్రం సింహం నవ్వింది . డి. యోగానంద్ దర్శకత్వం వహించిన ఈ సినిమాలో ఎన్‌టి రామారావు, బాలకృష్ణ, కళా రంజనిలు ప్రధాన పాత్రల్లో నటించారు.
సినిమా రిజ‌ల్ట్ : యావ‌రేజ్

10) బ్రహ్మర్షి విశ్వామిత్ర:
ఈ సినిమాను NTR యే డైరెక్ట్ చేశారు.
సినిమా రిజ‌ల్ట్ : యావ‌రేజ్

ఒకే హీరో న‌టించిన రెండు సినిమాలు ఒకే రోజు రిలీజ్ అయిన 6 సందర్భాలు..ఆ సినిమాలు!

ఓ సినిమా రిలీజ్ చేయాలంటే…. అన్ని ర‌కాల కాలిక్యులేష‌న్స్ వేస్తారు. ఇత‌ర సినిమాలేమైనా ఉన్నాయా? రిలీజింగ్ కి ఇది క‌రెక్ట్ టైమేనా? అని బ‌ట్ అలా కాకుండా ఒకే హీరోకు చెందిన రెండు సినిమాలు ఒకే రోజు రిలీజైతే…? అదే జ‌రిగింది మ‌న టాలీవుడ్ లో., NTR ఈ విధానానికి నాంది ప‌లికాడు. అప్ప‌ట్లో సినిమాలు చాలా త‌క్కువ‌గా రిలీజ్ అయ్యేవి కాబ‌ట్టి ఒకే రోజు ఒకే హీరోకు చెందిన రెండు సినిమాల‌ను రిలీజ్ చేశారు. ఇప్పుడు సీన్ మారింది. ఇద్ద‌రు పెద్ద హీరోల సినిమాలు సైతం ఒకే రోజు విడుద‌ల చేయ‌కుండా జాగ్ర‌త్త ప‌డుతున్నారు..కార‌ణం ఒపెనింగ్ క‌లెక్ష‌న్స్ !

6 సంద‌ర్భాల‌లో ….ఒకే హీరో న‌టించిన సినిమాలు ఒకే రోజు విడుద‌ల‌య్యాయి. అవేంటో ఇప్పుడు చూద్దాం!

1. NTR

ఫస్ట్ టైం ఒకే రోజు రెండు సినిమాలు రిలీజ్ చేసి రికార్డ్ సృష్టించిన హీరో NTR . 1959 జనవరి14 న అప్పుచేసి పప్పు కూడు , సంపూర్ణ రామాయణం ఈ రెండు సినిమాలు రిలీజయ్యాయి. రెండో సారి కూడా మళ్లీ ఈ ఫీట్ NTR సాధించారు… 1961 మే 5 న పెండ్లి పిలుపు , సతీసులోచన విడుద‌ల‌య్యాయి.

2. శోభన్ బాబు

శోభ‌న్ బాబు న‌టించిన లక్ష్మీ విలాసం , పంతాలు పట్టింపులు ఒకే రోజున‌( 1968 జులై 19) విడుదలయ్యాయి.

3. చిరంజీవి

1980 లో మెగాస్టార్ చిరంజీవి నటించిన కాళి , తాతయ్య ప్రేమలీలలు ఈ రెండు మూవీస్ సెప్టెంబర్ 19 న రిలీజయ్యాయి . వీటిలో కాళి సినిమాలో రజినీకాంత్ మెయిన్ హీరో. 1982 అక్టోబర్ 01 న మాత్రం చిరంజీవి హీరోగా న‌టించిన పట్నం వచ్చిన పతివ్రతలు , టింగు రంగడు రెండు సినిమాలు రిలీజ్ అయ్యాయి.

4. క్రిష్ణ

సూపర్ స్టార్ క్రిష్ణ హీరోగా నటించిన యుద్ధం , ఇద్దరు దొంగలు మూవీస్ జనవరి 14 1984 లో ఒకే రోజు రిలీజయ్యాయి.

5. బాలక్రిష్ణ

బాల క్రిష్ణ బంగారు బుల్లోడు , నిప్పు రవ్వ మూవీస్ రెండు ఒకే రోజు (1993 సెప్టెంబర్ 03 ) న రిలీజయ్యాయి.

6. నాని

ఇక చివరిసారిగా 2015 లో నాని రెండు మూవీస్ ఒకే రోజు రిలీజయ్యాయి . మార్చ్ 21న‌ ఎవడే సుబ్రహ్మణ్యం , జెండాపై కపిరాజు సినిమాలతో ఈ ఘనత సాధించాడు నాని.

హైదరాబాద్ వెళ్తే బిర్యాని కాదు, ఇవి కూడా టేస్ట్ చేయండి…!

హైదరాబాద్ అనగానే చాలా మందికి బిర్యాని కళ్ళ ముందు కనపడుతుంది. నిజాం రాజులు పరిచయం చేసిన వంటల్లో బిర్యానికి వచ్చిన క్రేజ్ మరే వంటకు లేదనే మాట వాస్తవం. కాని హైదరాబాద్ వెళ్తే కచ్చితంగా తినాల్సిన వంటలు కొన్ని ఉన్నాయి. సమయం దొరికితే హైదరాబాద్ లో చక్కర్లు కొడుతుంటే మాత్రం ఇప్పుడు చెప్పే వంటలు తినే వెళ్ళండి… ఆ వంటలు ఏంటీ…? వాటి ప్రత్యేకత ఏంటీ అనేది చూద్దాం.

లాల్ చికెన్ తందూరి విత్ వార్కీ పరాటా: హైదరాబాద్ గురించి బాగా అవగాహన ఉన్న వాళ్లకు, నాన్ వెజ్ ప్రియులకు ఇది కచ్చితంగా సుపరిచితమే. అల్-అక్బర్ ఫాస్ట్ ఫుడ్ కార్నర్‌లో దొరికే ఈ నాన్ వెజ్ ఐటెం చాలా బాగుంటుంది. రెడ్ కలర్ తందూరీ చికెన్ అలాగే చికెన్ 65 తో వార్కీ పరాఠా టేస్ట్ చేయండి. ఇక హోటల్ అడ్రస్ ఎక్కడంటే… షాప్ నెం. 20, 4-14, షా అలీ బండా రోడ్, మక్కా మసీదు పక్కన, చార్మినార్, ఖిల్వత్. జౌజీ హల్వా: స్వీట్ ఇష్టపడే వాళ్ళు హైదరాబాద్ వస్తే కచ్చితంగా రుచి చూడాల్సిన వంటకం ఇది. నిజాం రాజులు హైదరాబాద్ కు ఇచ్చిన తీపి కానుకగా చెప్తారు ఈ స్వీట్ ను. శతాబ్దం క్రితం 11 ఏళ్ల టర్కిష్ బాలుడు ఈ వంటను హైదరాబాద్ కు పరిచయం చేసాడు. ఇది తయారు చేయాలంటే కనీసం 16 గంటలు పడుతుంది. ఎక్కడ దొరుకుతుందంటే… హమీదీ మిఠాయి షాప్ లో… మొజాం జాహీ మార్కెట్.

ఇరానీ చాయ్, ఉస్మానియా బిస్కెట్ కాంబో: హైదరాబాద్ రాగానే చాయ్ రుచి చూస్తారు గాని ఉస్మానియా బిస్కెట్ తో టేస్ట్ చేసి చూడండి ఆ రేంజ్ వేరు. దాదాపు హైదరాబాద్ అంతా దొరుకుతుంది గాని నిమ్రా కేఫ్ మాత్రం దీనికి ఫేమస్. అడ్రస్ క్లియర్ గా చెప్పాలంటే… చార్మినార్ రోడ్, మక్కా మసీదు పక్కన, చార్మినార్, ఘాన్సీ బజార్.బగార్ రైస్: బిర్యాని చేయడానికి బద్దకంగా ఉండే వాళ్లకు ఇది అత్యంత రుచికరమైన వంట. సింపుల్ గా ఏ విధంగా మషాలాలు లేకుండా తయారు చేస్తారు. హైదరాబాద్ నుంచే ఇది అన్ని ప్రాంతాలకు విస్తరించినట్టుగా చరిత్ర చెప్తుంది. చికెన్ లేదా మటన్ ఏదైనా సరే బగార్ రైస్ తో చాలా బాగుంటుంది. పెళ్ళిళ్ళు లేదా ఫంక్షన్ లలో ఎక్కువగా వండుతున్నారు. ఎక్కడ బాగుంటుంది అంటే… బగార్ బౌల్ అనే హోటల్ లో. లక్డికాపూల్ లో ఉంటుంది ఈ హోటల్.

మరాగ్; హైదరాబాద్ లో బిర్యాని తర్వాత అంతగా ఫేమస్ అయిన వంట ఇది. వండడానికి కనీసం 7-8 గంటలు పడుతుంది. స్వచ్ఛమైన నెయ్యితో తయారు చేసే ఈ వంటకం చాలా ఫేమస్ అయింది. మటన్ పాయా అని కొన్ని చోట్ల అంటారు. హైదరాబాద్ వెళ్తే కచ్చితంగా రుచి చూడాల్సిందే. అడ్రస్ ఎక్కడంటే హోటల్ షాదాబ్… మదీనా సర్కిల్ లో ఉంటుంది. హైకోర్టు దగ్గర, చార్మినార్, ఘాన్సీ బజార్.రామ్ కీ బండి: హైదరాబాద్ లో టిఫిన్స్ ఎన్ని ఉన్నా సరే ఈ వంట మాత్రం బాగా ఫేమస్. రుచికరమైన దోసెలు, ఇడ్లీలకు ఇది ఫేమస్. దాదాపు మూడు దశాబ్దాల నుంచి హైదరాబాద్ వాసులకు రుచికరమైన టిఫిన్స్ అందిస్తున్న హోటల్ ఇది. అడ్రస్ ఎక్కడంటే సబీర్ బిల్డింగ్, , న్యూ ప్యారడైజ్ లాడ్జ్, కరాచీ బేకరీ పక్కన, బేగంబజార్, అఫ్జల్ గంజ్.హైదరాబాద్ వెళ్తే మాత్రం ఈ వంటలు అసలు మిస్ కావొద్దు. అలాగే మరిన్ని ఫేమస్ వంటకాలు కూడా ఉన్నాయి. లుఖ్మీ, ఖుబానీ కా మీఠా, పత్తర్ కా ఘోస్ట్, బురానీ రైతా, గోష్ట్ పసిండే వంటి వంటలు కూడా టెస్ట్ చేసి రావాలి.

TV9 ను దాటిన NTV!

దాదాపు 17 నెల‌ల త‌ర్వాత బార్క్ విడుద‌ల చేసిన రేటింగ్స్ లో NTV TV9 ను దాటి మొద‌టి స్థానాన్ని సాధించింది. ఫిబ్రవరి 2, 2022 నుండి మార్చి 11, 2022 మధ్య సేకరించిన డేటా ప్రకారం తెలుగు వార్తా ఛాన‌ల్స్ లో NTV టాప్ ప్లేస్ లో నిల్చింది. ఇక హిందీలో ఆజ్ త‌క్ ఫ‌స్ట్ ప్లేస్ లో కొన‌సాగుతుంది. హైద్రాబాద్ లో మాత్రం జ‌నాలు TV9 ను ఎక్క‌వ‌గా వీక్షిస్తున్నారు.

బార్క్ విడుద‌ల చేసిన రేటింగ్స్ ప్ర‌కారం…ఆయా ఛాన‌ల్స్ ర్యాంకింగ్స్ :
1) NTV
2) TV9
3) V6
4) TV5
5) సాక్షి
6) టి-న్యూస్
7) ఏబీఎన్ ఆంధ్రజ్యోతి
8) 10 టీవీ
9) HMTV
10) Mahaa News

షాకింగ్: అసలు ఇండియాకు హాకీ జాతీయ క్రీడ కాదా…?కారణం ఏంటీ…?

జాతీయ భాష ఏంటీ…? హిందీ… జాతీయ పక్షి ఏంటీ నెమలి… జాతీయ జంతువు ఏంటీ పులి, మరి జాతీయ క్రీడ ఏంటీ…? హాకీ అని చెప్పేస్తారు కదా… ఎవరైనా అలా చెప్తే అసలు నమ్మకండి. మన దేశానికి జాతీయ క్రీడా లేనే లేదు. కాని పుస్తకాల్లో చిన్నప్పటి నుంచి చెప్పిన పులిహోరే చెప్పి చెప్పి మనల్ని విసిగిస్తున్నారు.

1928–1956 మధ్య కాలంలో 8 స్వర్ణాలు, ఒక రజతం మరియు రెండు కాంస్య పతకాలు సాధించింది హాకీ జట్టు. ఒలింపిక్స్‌లో భారత హాకీ జట్టు అత్యంత విజయవంతమైన జట్టుగా మన చరిత్ర చెప్తుంది. ఇండియా ఒలింపిక్స్‌లో 123 మ్యాచ్‌లు ఆడి 76 గేమ్స్ లో గెలిచింది. స్వాతంత్రం తరువాత పాకిస్తాన్ హాకీని తన జాతీయ ఆటగా ప్రకటించుకుంది. ఇక ఆ తర్వాత మన దేశంలో క్రికెట్ కు ప్రాధాన్యత పెరిగింది.

హాకీ టీం లో ఎంత మంది ఉంటారో కూడా చాలా మందికి తెలియదు. ఆర్టీఐ[Right To Information] సమాధానంలో, క్రీడా మంత్రిత్వ శాఖ ఎలాంటి క్రీడను జాతీయ ఆటగా ప్రకటించలేదని కూడా స్పష్టం చేసింది. ఒక దేశం జాతీయ క్రీడను నిర్ణయించడంలో ఆ దేశపు సంస్కృతి కీలకంగా ఉంటుంది. కాని మనది ఉపఖండం కావడం, విభిన్న సంస్కృతులు ఉండటంతో ఒక క్రీడను జాతీయ క్రీడా అని చెప్పలేం. కబడ్డీ ఉత్తరాన ప్రసిద్ధి చెందిన ఆట. బెంగాల్‌లో ఫుట్‌బాల్ ప్రాచుర్యం పొందిన ఆట.