విలన్స్ గా ఎంట్రీ ఇచ్చి స్టార్ హీరోస్ అయిన 10 మంది టాలీవుడ్ హీరోలు!!

సినిమా  ఇండస్ట్రీలో  మొదట  విలన్ గా  కెరియర్ మొదలు  పెట్టి.,  తర్వాత  హీరో  అయిన  వాళ్ళు చాలామందే  ఉన్నారు .  కానీ  అందులో  సక్సెస్ అయిన  వాళ్ళు  అతికొద్ది  మంది  మాత్రమే!   అలా సక్సెస్ అయ్యి  స్టార్  ఇమేజ్  పొందిన  10 మంది  హీరోల గురించి  ఇప్పుడు  తెలుసుకుందాం.

1. కృష్ణంరాజు:

రెబల్ స్టార్  గా  పేరు  పొందిన  కృష్ణంరాజు నేనంటే నేనే ,  భ‌లే మాస్టర్  వంటి సినిమాల్లో  విలన్ గా  గుర్తింపు  పొందాడు .  తర్వాత  హీరోగా  కెరీర్ మొదలుపెట్టి  మొదటి  సినిమాతోనే  సక్సెస్ కొట్టి  హీరోగా  స్థిరపడిపోయాడు.

2. రజినీకాంత్:

కన్నడ  సినిమాల్లో  చిన్న చిన్న  వేషాలు ,  తర్వాత విలన్  వేషాలు  వేసి  గుర్తింపు  తెచ్చుకున్నాడు రజినీకాంత్ . కథా సంగమం,  బాలు జాన్ వంటి కన్నడ  మూవీస్ తో  విలన్ గా మంచి   పేరు  తెచ్చుకొని …. తమిళ్,  తెలుగులో  కూడా  సైడ్  రోల్స్  చేసి త‌ర్వాత‌ర్వాత  సౌత్  ఇండియా  సూపర్ స్టార్ గా  ఎదిగాడు.

3. చిరంజీవి:

కుక్కకాటుకు  చెప్పు దెబ్బ ,  మోసగాడు ,  47 రోజులు ఇలాంటి  మూవీస్ తో  విలన్ గా  ఫేమ‌స్  అయ్యాడు చిరంజీవి .  తర్వాత  సోలో  హీరోగా  చిన్న చిన్న సినిమాలు  చేస్తూ ,  ఖైదీ  సినిమాతో  స్టార్ అయిపోయాడు.

4. మోహన్ బాబు:

అప్పటి  అందరి  టాప్ హీరోస్  సినిమాలలో  విలన్ గా నటించి  టాప్ విలన్ గా  పేరు  తెచ్చుకున్న  మోహన్ బాబు .  అల్లుడు గారు  సినిమాతో  హీరోగా  బ్రేక్ పొంది …. 17 సంవత్సరాల  పాటు  స్టార్ స్టేటస్ అనుభవించాడు .

5. రాజశేఖర్:

కెరీర్  మొదట్లో  సైడ్  క్యారెక్టర్స్  వేస్తూ  తలంబ్రాలు సినిమాతో  విలన్ గా  గుర్తింపు  పొందాడు  రాజశేఖర్ . త‌ర్వాత‌ ఆహుతి ,  అంకుశం  లాంటి  సినిమాలతో  తిరుగులేని  స్టార్  అయ్యాడు.!

6. రవితేజ:

1990 లోనే  చిన్న విలన్  క్యారెక్టర్ తో  ఎంటరై తర్వాత  సముద్రం,  సీతారామరాజు ,  వంటి సినిమాలతో  విలన్ గా  పేరు  పొందిన ర‌వితేజ . సైడ్ క్యారెక్ట‌ర్స్, ‌ సెకండ్  హీరో  రోల్స్ చేస్తూ  తర్వాత  ఇట్లు  శ్రావణి సుబ్రహ్మణ్యం , ఇడియట్  సినిమాలతో  టాప్ హీరో  అయ్యాడు.

7. శ్రీకాంత్:

ప్రెసిడెంట్ గారి పెళ్ళాం ,  అబ్బాయి గారు ,  వారసుడు సినిమాలతో  యంగ్ విలన్ గా  పేరు  తెచ్చుకున్న శ్రీకాంత్ తర్వాత  సైడ్  హీరో  రోల్స్  చేస్తూ  పెళ్లి సందడి  సినిమాతో  స్టార్ అయ్యాడు .

8. జె డి చక్రవర్తి:

ఫస్ట్  మూవీ  శివ తోనే  విలన్ గా  పేరు  తెచ్చుకున్న  జెడి  తర్వాత  కొన్ని  సినిమాలలో  చిన్న చిన్న  విలన్ పాత్రల్లో  నటించాడు .  1995 లో  గులాబి  సినిమాతో హీరోగా  గుర్తింపు  పొందాడు.

9. శ్రీహరి:

రౌడీ ఇన్స్పెక్టర్ ,  ముఠా మేస్త్రి ,  ప్రేమించుకుందాం రా , శ్రీరాములయ్య  వంటి  సినిమాలతో  సూపర్ విలన్ గా పేరు  తెచ్చుకొని ….  సడెన్ గా  పోలీసు  మూవీ తో హీరోగా  బ్రేక్  పొంది ,  కొంతకాలం  పాటు  తనకంటూ మంచి  మార్కెట్  క్రియేట్  చేసుకున్నాడు  శ్రీహరి .

10. గోపిచంద్:

జయం,  నిజం ,  వర్షం  సినిమాలతో  భయంకరమైన విలన్ గా  గుర్తింపు  పొందిన  గోపి చంద్ .  రణం  మూవీతో హీరోగా  స్టార్  స్టేటస్  తెచ్చుకున్నాడు.