ఒక గంట (1Hr)… భారత దేశ చరిత్రనే మార్చేసింది! ఆ ఘటన జరిగింది నేడే ఏప్రిల్ 21.!

1526 వ సంవత్సరం, ఏప్రిల్ 21 …అప్పటి వరకు ఉత్తర భారతాన్ని పాలిస్తున్న ఇబ్రహీం లోడికి ….ఢిల్లీ పీఠం పై కన్నేసి యుద్దానికి దిగిన బాబర్ కి మధ్య పానిపట్ ( ప్రస్తుతం హర్యానాలో ఉంది) వద్ద యుద్ధం జరిగింది. దీనినే మొదటి పానిపట్ యుద్ధం అంటారు.

ఆ యుద్ధంలో గనక మరో గంట పాటు ఇబ్రహీం లోడి బతికి ఉండి ఉంటే ఢిల్లీ పీఠం మొఘలుల చేతుల్లోకి వెళ్ళేది కాదు… దేశమంతా ఒకరి చేతుల్లోకి వెళ్ళేది కాదు. ఔరంగజేబు లాంటి నిరంకుశ పాలనలోకి మన దేశం వెళ్ళేది కాదు. అప్పటి వరకు పటిష్టంగా ఉన్న స్థానిక రాజ్యాలు సైతం మొఘల్స్ ఆధీనంలోకి వెళ్లాయి.

ఈ యుద్ద విజయం క్రెడిట్ మొత్తం బాబర్ కు ఇవ్వాల్సిందే.. అప్పటి వరకు యుద్దాలంటే పాదాతిదళం, ఏనుగులు, గుర్రాలే… ఫస్ట్ టైం బాబర్ యుద్ద పిరంగులను రంగంలోకి దించాడు..అసాధ్యమని విజయాన్ని సుసాధ్యం చేసుకున్నాడు.

 

బాబర్ సైన్యం 15000 ..దాదాపు 25 ఫిరంగులు. అటు లోడి సైన్యం 40000 ..1000 యుద్ద ఏనుగులు. ఈ లెక్క చుస్తే విక్టరీ లోడికే దక్కాలి కానీ ఫిరంగులు సీన్ సీన్ నే చేంజ్ చేసి పడేశాయి…దేనికి తోడు బాబర్ స్టాటజీ వర్కౌట్ అయ్యింది…. బాబర్ తన సైన్యాన్ని తుళుగ్మ, అరబ అని విడగొట్టాడు…తుళుగ్మ ‘ముందు, వెనుక ,మధ్య’ అని మూడు భాగాలుగా….. వాటిలోనే ఇంకొన్ని
నిలువు గ్రూప్స్ విడగొట్టాడు ఆ నిలువు గ్రూప్స్ యే ‘అరబ’.

ఫిరంగులను మధ్యలో ఉంచి … అరబ గ్రూప్ సభ్యుల చేతికి తాడును అందించేవారు . ఫిరంగి పేల్చాలనుకునే టైములో ఆ తాడు గుంజేవారు …దీంతో ఆ లైన్ లో ఉన్న సైనికులంతా డౌన్ అయ్యేవారు …బాంబు వారి పైనుండి దూసుకుపోయి శత్రువులను చేరేది. ఈ భీకర శబ్దాలకు ఏనుగులు భయపడి యుద్ధరంగం నుండి పారిపోయేవి..ఇది కూడా లోడికి మైనస్.

దీనికి తోడు …బాబర్ సైనికులు బులెట్ ప్రూఫ్ లాంటి బట్టలు తొడుక్కోవడంతో… మరింతగా రెచ్చిపోయి యథేచ్ఛగా ఫిరంగులను పేల్చారు. ఆ యుద్ద భూమిలోనే లోడి చనిపోయాడు , దేంతో బాబర్ ఢిల్లీ కి రాజయ్యాడు. క్రమక్రమంగా…ఇక్కడితో సంతృప్తి చెందని బాబర్ మరిన్ని యుద్దాలు చేసాడు.. అతని తర్వాత వచ్చిన వారి వారసులు….అఖండ భారతాన్ని ( కొన్ని ప్రాంతాలు మినహా) తమ ఆధీనంలోకి తెచ్చుకున్నారు.

ఆ యుద్ధంలో గనక లోడి మరో గంట పాటు పోరాడి ఉంటే తప్పక విజయం సాధించేవాడు. ఎందుకంటే అప్పటికే బాబర్ మందుగుండు సామాగ్రి అయిపోయింది. కేవలం పదాతి దళమే మిగిలింది. సంఖ్యాపరంగా ఎక్కువున్న లోడి సైన్యం వారి పనిని పట్టేది. కానీ రాజే మరణించడంతో సైన్యం సరెండర్ అయిపోయింది.