ఒక్క పాటలో … 7 గురు హీరోలు + 4గురు హీరోయిన్స్ !? ఆ సినిమా ఏది? ఆ పాట ఏది? ఎందుకీ ప్రయోగం?

తెరమీద తమ అభిమాన హీరో డాన్స్ చేస్తేనే ఈలలు  గోలలతో థియేటర్స్ దద్దరిల్లేలా చేస్తారు ఫ్యాన్స్! మరి ఒకే పాటకు 7 గురు హీరోలు కలిసి డాన్స్ చేస్తే….? అదే జరిగింది వెంకటేష్ త్రిమూర్తులు  సినిమాలో……..ఒకే మాట  ఒకే బాట అంటూ సాగిన ఆ పాటలో  7 గురు హీరోలు 4గురు హీరోయిన్స్   స్పెషల్  అప్పియరెన్స్   ఇచ్చి ప్రేక్షకులు ఎన్నటికీ మర్చిపోలేని ఓ అందమైన జ్ఞాపకాన్ని ఇచ్చారు.

 

 

1987 లో  వెంకటేష్  హీరోగా  రూపొందిన త్రిమూర్తులు  సినిమాలో  ఒకే మాట  ఒకే బాటలో  అప్పటి  టాప్  స్టార్స్ అందరిని  ఒకే ఫ్రెమ్ లో  చూపించాలనుకున్నాడు ఆ సినిమా ప్రొడ్యూసర్  టి సుబ్బిరామిరెడ్డి.   ఈ సినిమా నసీబ్ అనే  హిందీ  సినిమాకు  రీమేక్.., ఆ సినిమాలోని పాటకు హిందీ టాప్ స్టార్స్  అంతా కనిపిస్తారు.  సో  తెలుగులో  కూడా అలాగే ఇక్కడి స్టార్స్ అందరూ ఈ పాటలో కనిపించేలా చేయాలని  ప్లాన్ చేశారు .  ఎన్టీఆర్ ,  ఏఎన్ఆర్,  క్రిష్ణ ,  శోభన్ బాబు , కృష్ణంరాజు,  చిరంజీవి  ఈ ఆరుగురిని  ఆ పాటలో చూపించాలని  అందరిని  ఒప్పించారు . కానీ  ఎన్టీఆర్ ,  ఏఎన్ఆర్ లు  కొన్ని  కారణాల  రీత్యా నటించలేమని  చెప్పడంతో …వారి ప్లేస్ లో   వారి  వారసులైన బాలక్రిష్ణ ,  నాగార్జున లని  ఒప్పించారు. ఆ పాటలో నటింపజేశారు.

వెంకటేష్ తో  స్టార్ట్  అయ్యే  ఆ సాంగ్ లో  మొదట శోభన్ బాబు , విజయ శాంతి , క్రిష్ణ,  విజయ నిర్మల ,  చిరంజీవి ,  కృష్ణంరాజు  శారద కనిపిస్తారు . ఆ తర్వాత బాలక్రిష్ణ,  నాగార్జున  కనిపిస్తారు . వీరితో  పాటు  రాధిక ,  రాధ ,  జైమాళిని , చంద్రమోహన్ ,  మురళి మోహన్ తో  పాటు  ఇంకొంతమంది  దర్శక  నటులు కనిపిస్తారు . కేవలం  ఈ పాట  చూడటానికే ప్రేక్షకులు  థియేటర్ లకి  వెళ్లారట!

Watch Video :

వెంకటేష్ తర్వాత నాగార్జున ఒకే పాటకు 8 మంది హీరోయిన్స్ తో చేసాడు:
కింగ్ సినిమాలో నువ్వు రెడీ నేను రెడీ అనే పాటలో నాగ్ 8 మంది హీరోయిన్స్ తో డాన్స్ చేసాడు.. త్రిష ,మమతా మోహన్ దాస్ , అనుష్క , ఛార్మి, జెనీలియా , ప్రియమణి, స్నేహ ఉల్లాల్, కామ్నా జెట్మలానీ లు ఈ సాంగ్ లో నాగ్ తో డాన్స్ చేసారు.