గ్యాస్ పేలితే 50 ల‌క్ష‌లు క్లెయిమ్ చేయొచ్చు, గ‌ర్భిణీల‌ను ఉద్యోగం నుండి తీసేయ‌రాదు…ప్ర‌తి పౌరుడు తెల్సుకోవాల్సిన 10 ఇండియ‌న్ చ‌ట్టాలు.!

రాష్ట్రంలో సంచలనం సృష్టించిన దిశ ఇన్సిడెంట్ అందరికి గుర్తుండే ఉంటుంది.. తాను ప్రమాదంలో ఉన్నా అని దిశ తన చెల్లికి ఫోన్ చేయడం..వాళ్లు వెంటనే దగ్గరలోని పోలీస్ స్టేషన్ కి వెళ్తే వాళ్లు రెఫ్యూజ్ చేయడంతో అంతరాత్రి ఏం చేయాలో తెలియక మరో పోలీస్ స్టేషన్ కి వెళ్లి కంప్లైంట్ ఫైల్ చేసి,తీరా పోలీసులు యాక్షన్ తీసుకునే సరికి దిశ కాలి బూడిదైపోయింది.. ఏ పోలిస్ స్టేషన్ అయినా ఆపద అంటూ వస్తే కేస్ ఫైల్ చేసి ఎఫ్ఐఆర్ నమోదు చేసుకోవాలి..ఒకవేళ ఆ కేస్ తమ పరిధిలోకి రాదు అనుకుంటే తర్వాత ఆ ఎఫ్ఐఆర్ కాపీని ట్రాన్స్ ఫర్ చేయాలి..ఇది చట్టమే చెప్తుంది.. కేవలం ఇది మాత్రమే కాదు సామాన్యులకి తెలియని..తెలియాల్సిన కొన్ని చట్టనియమాలు ఉన్నాయి..అవేంటో ఈ రోజు తెలుసుకుందాం..

• ఉదయం 6లోపు ,సాయంత్రం 6తర్వాత పోలీస్ స్టేషన్ కి రావడానికి మహిళలు తిరస్కరించే హక్కు ఉంది..మరీ తీవ్రమైన నేరం చేసినట్టైతే మేజిస్ట్రేట్ పర్మిషన్ తో వారిని అరెస్ట్ చేయవచ్చు..అది కూడా మహిళా పోలీస్ ఆధ్వర్యంలోనే.. ఒక మహిళా నిందితురాలిని/ఖైదీని అరెస్ట్ చేయాలంటే కేవలం మహిళా పోలీస్ ఆఫీసర్/ కానిస్టేబుల్ ఉండాలి.. మగ పోలీస్ లకు హక్కులేదు.

• సాధారణంగా ఇళ్లల్లో గ్యాస్ సిలిండర్ పేలి ప్రమాదాలు సంభవించినట్టైతే..  స్థానిక పోలీస్ స్టేషన్లో ఫిర్యాదు చేసి ఎఫ్ఐఆర్ నమోదు చేయించి, గ్యాస్ ఏజన్సీ నుండి నష్టపరిహారంగా 50లక్షలు క్లెయిమ్ చేయవచ్చు.

 

• మేజర్లు కాకపోయినప్పటికి ఇద్దరు యువతీయువకులు సహజీవనం చేయవచ్చు..వీరికి పుట్టిన పిల్లలకు చట్టపరమైన అన్ని హక్కులు లభిస్తాయి..గుర్తుంచుకోండి మన చట్టాల ప్రకారం మైనర్లు పెళ్లి చేసుకోవడానికి వీలులేదు.

 

• హిందూ అడాప్షన్ మరియు మెయింటెనెన్స్ యాక్ట్ ప్రకారం ఒక వ్యక్తికి కొడుకు లేదంటే మనవడు ఉన్నట్టైతే అతడు మరొకరిని దత్తత తీసుకోవడానికి వీలులేదు..ఒకవేళ అలా తీసుకోవాలనుకుంటే ఇద్దరు పిల్లల మధ్య వయసు తేడా సుమారు 21సంవత్సరాలు ఉండాలి.

 

• గర్భిణి స్త్రీని ఉద్యోగంలో నుండి తీసే హక్కు ఏ కంపెనికి లేదు..ఒకవేళ అలా చేసినట్టైతే మూడేళ్లు జైలు శిక్ష అనుభవించాల్సి ఉంటుంది.

 

• అమ్మకం దారుడు నిర్ణయించిన ధరకంటే ఎక్కువ రేట్ కి అమ్మే హక్కు లేదు..కానీ ఎమ్ ఆర్ పి కంటే తక్కువ ధరకి బేరమాడే హక్కు కొనుగోలుదారుడుకి ఉంటుంది..

 

• మీరు ఒక నేరానికి శిక్ష అనుభవించినట్టైతే, అదే తరహా నేరానికి అదే రోజు  (సేమ్ డే సేమ్ క్రైమ్) శిక్షించడానికి హక్కులేదు..ఉదాహరణకు ఒకరోజు మీరు హెల్మెట్ లేకుండా ఒకసారి పట్టుబడి ఫైన్ కట్టారు..సేమ్ డే అదే నేరానికి మీరు పట్టుబడితే ఫైన్ కట్టాల్సిన పనిలేదు..

 

• ఒక పోలీసాఫిసర్ ఎఫ్ ఐఆర్ నమోదు చేయడానికి నిరాకరించినట్టైతే, అతడిపై కంప్లైంట్ ఫైల్ చేసే హక్కు ఉంటుంది..అది నిరూపితమైతే 6నెలల నుండి ఏడాది వరకు జైలు శిక్ష అనుభవించాల్సి ఉంటుంది.

 

• ఏ ఫైవ్ స్టార్ హోటల్లో అయినా మంచినీళ్లు తాగడానికి, వాష్ రూమ్స్ వినియోగించుకోవడానికి హక్కుఉంటుంది…వద్దని చెప్పడానికి ఆ హోటల్ వాళ్లకు హక్కు లేదు..

 

• యూనిఫామ్ లో ఉన్నా లేకపోయినా ఒక పోలిసాఫిసర్ 24గంటలు డ్యూటిలో ఉన్నట్టే.. ఒకవేళ అతడు డ్యూటిలో లేనని మీ ఫిర్యాదు తీసుకోవడానికి నిరాకరిస్తే అది చట్టరిత్య నేరం.