కొన్ని రోజుల్లో ‘కిల్’ కాబోతున్న సైకిళ్ల చ‌రిత్రను తెలుసుకోండి. వెరీ ఇంట్ర‌స్టింగ్.!!

ప్రపంచ సైక్లింగ్ దినోత్సవం నాడే మన దేశంలోనే అతిపెద్ద సైకిల్ కంపెనీ అట్లాస్ మూతపడడం శోచనీయం..ఇప్పుడు జ‌న‌మంతా కొత్త కొత్త మోడ‌ల్ బైక్స్ , కార్స్ వెంట ప‌డుతున్నారు కానీ….. ఒక‌ప్పుడు అందరికి సైకిలే ఆధారం! అదే స్టేట‌స్ సింబ‌ల్ కూడానూ..! అటువంటి సైకిల్ గురించి కొన్ని ఆసక్తికరమైన విషయాలు..

సైకిల్ చరిత్ర:

• 1813లో బేడన్ డ్రే అనే వ్యక్తి కొయ్యతో తయారు చేసిన చక్రాల బండిని తయారు చేశాడు..కానీ దీనిని కాళ్లు నేలకు ఆనించి ముందుకు వెనుకకు ఈడ్చుకుంటూ వెళ్లాల్సి వచ్చేది.

• తర్వాత 20ఏళ్లకు మాక్మిలన్ అనే వ్యక్తి నిర్మించిన సైకిల్ రూపు కొంత మార్చాడు..వెనుక చక్రానికి కాంక్ లను ఏర్పరచి, వాటిని రెండు పొడుగాటి తూలదండాలకి కలిపాడు..వాటిని కాళ్లతో కదిపితే సైకిల్ ముందుకు పోయేది.
• మాక్మిలన్ నిర్మించిన దానిని పునరుద్దరించాడు ఫిలిప్ హెన్రిక్..సైకిల్ కి రెండు వైపులా పెడల్స్ ని ఏర్పాటు చేశాడు.
• 1890 నాటికి పెడల్ సైకిల్ అందుబాటులోకి వచ్చింది ..పెడల్ కి వెనుక చక్రం ఇరుసుకి ఒక గొలుసు(చెయిన్)ని అమర్చింది హాన్స్ రెనాల్డ్.

• టైర్లను తయారు చేసింది పశువైధ్యుడు జాన్ బాయిడ్ డన్ లప్..ఇతడు మొక్కలకు నీరు పెట్టే పైపును రెండు బాగాలు చేసి వాటి మొదళ్లను అతికించి, గాలితో నింపి సైకిల్ కి టైర్లుగా అమర్చాడు..అంతకు ముందు మందపాటి రబ్బరుచక్రాలను వినియోగించేవారు.

• చివరికి 19వ శతాబ్దం ప్రారంభం నాటికి పూర్తి స్థాయి సైకిల్ నిర్మాణం జరిగింది..ఐరోపా రోడ్లపై వేగవంతమైన సైకిల్ దూసుకువెళ్లేవి..

కొస‌మెరుపు:

• నోబుల్ బహుమతి గ్రహీత, ఆర్థికవేత్త అమర్త్యసేన్ తనకు నోబుల్ తెచ్చిపెట్టిన ఆర్థిక సూత్రీకరణ కోసం గ్రౌండ్ లెవల్లో అధ్యయనం కోసం సైకిల్ మీదనే తిరిగేవారు. ఆయన ఉపయోగించిన సైకిల్ ప్రస్తుతం స్వీడన్‌లోని స్టాక్ హోమ్‌లో గల నోబుల్ మ్యూజియంలో ఉంది.

• పార్లమెంట్ కి సైకిల్ పై వెళ్లిన అతి సామాన్య ఎంపీ ,వామపక్ష నాయకుడు పుచ్చలపల్లి సుందరయ్య. పార్లమెంట్ లో చప్రాసీల సైకిళ్లతోపాటు ఇతని సైకిలు కూడా స్టాండులో ఉండేది. అసెంబ్లీకి కూడా అదే సైకిల్ పై వెళ్లేవారు సుందరయ్య..ప్రస్తుతం ఆ సైకిల్ హైదరాబాద్ లోని సుందరయ్య విజ్ణాన కేంద్రంలో ఉంది..

• కొన్ని దేశాల్లో సైకిల్ నడపాలంటే కూడా లైసెన్స్ తప్పనిసరి
• ప్రపంచవ్యాప్తంగా జూన్ 3న ప్రపంచ సైకిల్ దినోత్సవం నిర్వహిస్తారు.