9th Class Telugu Archives - Logical Telugu

వ‌ల‌స‌కూలీ- 9th Class Telugu ( First Language )

పాఠ్య‌ ప‌రిచ‌యం: 1977 నవంబరు 19న కృష్ణాడెల్టా ప్రాంత‌మైన దివిసీమ‌లో భ‌యంక‌ర‌ తుఫాను సంభ‌వించింది. దీనినే దివిసీమ ఉప్పెన అంటారు. ఈ తుఫాను కార‌ణంగా 50,000 వేలకు పైగా ప్రాణ‌న‌ష్టం జ‌రిగింద‌ని అంచ‌నా. కరవు జిల్లాగా పిలువబడే మహబూబ్‌నగర్ ( పాల‌మూర్ ) నుండి 1977 సం||లో తీవ్రమైన కరువుకు పాల‌మూర్ ప్రజలు దేశం నలుమూలలా వెళ్లిపోయారు. జాలర్లు కోస్తాకు వ‌ల‌స‌ వెళ్లారు. కానీ నవంబర్‌ 19, 1977న ఉవ్వెత్తున ఎగిసిపడిన ఉప్పెనలో జాలర్లు జాడ తెలియకుండా గల్లంతయినారు. ఈ హృదయవిదారక సంఘటనతో స్పందించిన ముకురాల వారిపై కన్నీటి గేయాన్ని వ్రాశారు.

దివిసీమ ఉప్పెన బాధితుల‌ను ఆదుకోవ‌డానికి విరాళాలు సేక‌రిస్తున్న NTR,ANR

దివిసీమ ఉప్పెన త‌ర్వాత ఆక‌లికేక‌లు

క‌వి ప‌రిచ‌యం : డా. ముకురాల రామారెడ్డి నాగ‌ర్ క‌ర్నూల్ జిల్లాలోని ముకురాల అనే గ్రామంలో జ‌న్మించారు. మేఘదూత ( అనువాద క‌విత్వం), దేవ‌ర‌కొండ దుర్గం, న‌వ్వేక‌త్తులు, హృద‌య‌శైలి, తెలుగు సాహిత్య నిఘంటువు మొద‌ల‌గు ర‌చ‌న‌లు చేశారు. ప్రాచీన తెలుగు క‌విత్వంలో క‌వితాత్మ‌క భావ‌ప‌రిణామం అనే అంశంపై Ph.D చేసి డాక్ట‌రేట్ ను పొందారు. ఆకాశ‌వాణి ఢిల్లీవారు ముకురాల గారిని 1976లో జాతీయక‌విగా గుర్తింపునిచ్చారు.

పాఠ్యాంశం:

మ‌నిషి మారాలి – పాల‌డుగు నాగయ్య‌. 9th Class Telugu ( Second Language) Material

మ‌నిషి మారాలి

– పాల‌డుగు నాగయ్య‌

I) Q & A

1) మానసిక ప్ర‌శాంత‌త కోసం ఏం చేయాలి?
A: మాన‌సిక ప్ర‌శాంత‌త కోసం మ‌న‌లోని అహంకారాన్ని , ప‌గ‌ని, అసూయ‌ను వదులుకోవాలి. ఆ స్థానంలో స్నేహ‌భావాన్ని అల‌వ‌ర్చుకోవాలి. ప్రకృతితో మ‌మేక‌మ‌వ్వాలి. అన‌వ‌స‌ర విష‌యాల జోలికి వెళ్ల‌కూడ‌దు.

2) మీరు ఎలా మారాల‌నుకుంటున్నారు?
A : నేను అంద‌రికీ ఆద‌ర్శంగా ఉండేలా మారాల‌నుకుంటున్నాను. నేను చేసిన త‌ప్పుల‌ను తెలుసుకొని వాటిని మ‌ర‌ల చేయ‌కుండా ఉండేలా, నాలోని మూర్ఖ‌త్వాన్ని వ‌దిలి తెలివితో నా జీవితాన్ని తీర్చిదిద్దుకోవాల‌నుకుంటున్నాను.

3) స‌మాజం ఎలా ఉండాల‌నుకుంటున్నారు?
A: స‌మాజం స‌హాకార‌భావంతో ఉండాలి. కుల‌మ‌తాల బేధం లేకుండా అంతా ఒక్క‌టే అనే భావ‌న‌తో ఉండాలి. అంద‌రికీ స‌మాన అవ‌కాశాలుండాలి. చ‌ట్టాల‌కు లోబ‌డి ఉండాలి.

4) పాల‌డుగు నాగ‌య్య గురించి రాయండి.
A: పాల‌డుగు నాగయ్య సూర్యాపేట జిల్లా కుడ‌కుడ గ్రామానికి చెంద‌ని వాడు. అనేక దేశ‌భ‌క్తి గేయాలు, జాతీయ గేయాలు, పాల‌డుగు ప‌దాలు, ప‌ల్లె జ‌న‌ప‌దాలు ర‌చించాడు. అంబేద్క‌ర్, సంజీవ‌య్యల జీవిత చ‌రిత్ర‌ల‌ను బుర్ర‌క‌థల రూపంలో రాశాడు.

5) మ‌నిషి మారాలి గేయాన్ని సొంత మాట‌ల్లో రాయండి.

A: మ‌నిషి మారాలి అనే గేయం పాల‌డుగు నాగ‌య్య ర‌చించిన అంబేద్క‌ర్ బుర్ర‌క‌థ నుండి గ్ర‌హించ‌బ‌డింది. మ‌నిషి త‌న‌లోని ప‌గ‌ను, అహంకారాన్ని, అసూయ‌ను, మూర్ఖ‌త్వాన్ని, దురాశ‌ల‌ను వ‌దులుకోవాలి. ప్రేమ‌త‌త్త్వాన్ని, ఆలోచ‌నా శ‌క్తిని పెంచుకోవాలి. తెలివితో జీవితాన్ని తీర్చిదిద్దుకోవాలి. మంచి ప‌నులు చేస్తూ భవిష్య‌త్ ను నిర్మించుకోవాలి.

II అర్థాలు

ద్వేషం = ప‌గ‌
అగ్ని = నిప్పు
కాంక్ష = కోరిక

III. సొంత వాక్యాలు
1) అసూయ : అసూయ మనిషిలోని చెడ్డ ల‌క్ష‌ణం
2) మాయం : వ‌ర్షాల కార‌ణంగా క‌రువు మాయం అయ్యింది.

IV) విభ‌క్తి ప్ర‌త్య‌యాలు :
వాక్యాంలో ప‌దాల మ‌ధ్య సంబ‌దాన్ని ఏర్ప‌ర‌చే అక్ష‌రాలు, ప‌దాల‌ను విభ‌క్తి ప్ర‌త్య‌యాలు అంటారు.

Answers :

రాముడు రామ‌ణుడి ని చంపాడు.
నాన్న నాకు రెండు పెన్నులు తెచ్చాడు
గ్లాసులో పాలున్నాయి
రాణి ర‌మ్య‌తో ఆడుకుంటున్న‌ది
కిటికీకి వేసిన క‌ర్టెన్ అందంగా ఉంది.

ఏది గొప్ప‌దానం – 9th Class Telugu Second Language

ఏది గొప్ప‌దానం?

మంచి మ‌న‌స్సుతో చేసేదే గొప్ప‌దానం అని చెప్ప‌డ‌మే ఈ పాఠం ఉద్దేశం. ఈ పాఠంలో స‌క్తుప్ర‌స్తుడు చేసే గొప్ప‌దానం గురించి చెప్ప‌బ‌డింది. సక్తుప్ర‌స్తుడి దానం గురించి గొప్ప‌గా ధ‌ర్మ‌రాజుకు ముంగిస చెప్ప‌డ‌మే ఈ పాఠం.

I. ప్ర‌శ్న- జ‌వాబులు ( స్వీయ‌ర‌చ‌న )

1Q : ముంగిస ఎక్క‌డికి వ‌చ్చింది?
కురుక్షేత్ర యుద్దం త‌ర్వాత ధ‌ర్మ‌రాజు యాగం నిర్వ‌హించాడు. ఆ సంద‌ర్భంగా అనేక దాన‌ధ‌ర్మాలు చేశాడు. ఆ దానాలు స్వీక‌రించిన జ‌నాలు ధ‌ర్మ‌రాజు గురించి గొప్ప‌గా చెప్పుకుంటున్న స‌మ‌యంలో ముంగిస అక్క‌డికి వ‌చ్చింది.

2Q: ముంగిస పెద్ద‌గా న‌వ్వ‌డానికి గ‌ల కార‌ణాన్ని వివ‌రించండి.
ధ‌ర్మ‌రాజు దానాన్ని స్వీక‌రించిన జ‌నాలు ఆయ‌న‌ను గొప్ప‌గా పొగడ‌డాన్ని చూసి ముంగిస పెద్ద‌గా న‌వ్వింది. అంత‌కు ముందే ముంగిస స‌క్తుప్ర‌స్తుడి దానాన్ని చూసి వ‌చ్చింది కాబ‌ట్టి అత‌ని దానంతో పోల్చుకుంటే ధ‌ర్మ‌రాజు దానం దానికి చాలా చిన్న‌ది అనిపించింది.

3Q: స‌క్తుప్ర‌స్తుడు చేసిన దానం గురించి మీ మాట‌ల్లో రాయండి.
స‌క్తుప్ర‌స్తుడు ఒక పేద బ్రాహ్మ‌ణుడు. చాలారోజుల నుండి త‌న‌కు తిన‌డానికి భిక్ష దొర‌క‌లేదు. కొన్ని రోజుల త‌ర్వాత త‌న‌కు దొరికిన కొద్దిపాటి జొన్న‌పిండిని కూడా ఆక‌లి అంటూ త‌న ఇంటికొచ్చిన అతిథికి ఇచ్చేశాడు. అత‌నొక్క‌డే కాదు అత‌ని కుటుంబ స‌భ్యులంతా త‌మ ఆక‌లిని వ‌దులుకొని త‌మ ఆహారాన్ని అతిథికి ఇచ్చేశారు.

4Q: దాన ధ‌ర్మాలు ఎన్ని ర‌కాలుగా చేయ‌వ‌చ్చో రాయండి.
ఉన్నంత‌లో ఇవ్వ‌గలిగింది అవ‌స‌రం ఉన్న వారికి ఇవ్వ‌డ‌మే దానం. విద్యాదానం , అవ‌య‌వ‌దానం, అన్న‌దానం, ర‌క్త‌దానం , వ‌స్త్ర‌దానం ఇలా ఎన్నో ర‌కాల‌ దానాలు మ‌న‌కు చేయ‌వ‌చ్చు .

5Q: నిజ‌మే ఆ పేద బ్రాహ్మ‌ణుడి దానం ముందు నా దానం స‌రిపోదు అని ధ‌ర్మ‌రాజు ఎందుకు అన్నాడు ?
ధ‌ర్మ‌రాజు ఒక రాజు…. ఆయ‌న త‌ల్చుకుంటే ఎంతైనా దానం చేయ‌గ‌ల‌డు. కానీ స‌క్తుప్ర‌స్తుడు ఒక పేద బ్రాహ్మ‌ణుడు త‌నే స్వ‌యంగా ఆక‌లితో బాధ‌ప‌డుతున్న‌ప్ప‌టికీ త‌న ఇంటికి ఆక‌లి అంటూ వ‌చ్చిన అతిథికి త‌న ఆహారాన్ని ఇచ్చేశాడు. అత‌నే కాదు అత‌ని కుటుంబం మొత్తం త‌మ త‌మ ఆహారాన్ని అతిథికి ఇచ్చేశారు. అందుకే అత‌నితో పోల్చితే త‌న దానం చాలా చిన్న‌ద‌ని ధ‌ర్మరాజు అన్నాడు.

II. అర్థాలు

యాగం = య‌జ్ఙం
మ‌ర్యాద = గౌర‌వం
అహంకారం = గ‌ర్వం

III. ఏక‌వ‌చ‌నం – బ‌హువ‌చ‌నం

కొడుకు- కొడుకులు
పుస్తకం – పుస్త‌కాలు
రంగు – రంగులు.

IV. భాషా భాగాలు

1) అత‌డు వ్య‌వ‌సాయం చేస్తాడు ( స‌ర్వ‌నామం )
2) ఆహా! వేయి స్తంబాల గుడి ఎంత అద్భుత క‌ట్ట‌డం ( అవ్య‌యం)

3) అమ్మ చేతి ముద్ద అమృతంతో స‌మానం ( విశేష‌ణం)
4) రాకేశ్ తోట‌లోని మామిడి పండ్లు తెచ్చాడు ( క్రియ‌)

నేనెరిగిన బూర్గుల‌ – 9th Class Telugu First Language

డా. బూర్గుల రామ‌కృష్ణ‌రావు హైద్రాబాద్ రాష్ట్రానికి తొలి ముఖ్య‌మంత్రిగా ప‌నిచేశారు. ఆ త‌ర్వాత కేర‌ళ‌, ఉత్త‌ర‌ప్ర‌దేశ్ రాష్ట్రాల‌కు గ‌వ‌ర్న‌ర్ గా కూడా ప‌నిచేశారు. తెలంగాణ విముక్తి త‌ర్వాత ఏర్ప‌డ్డ వెల్లోడి ప్ర‌భుత్వంలో రెవెన్యూ & విద్యాశాఖ మంత్రిగా ప‌నిచేశారు. న్యాయ‌వాదిగా ఎంతో పేరు సంపాదించారు. పివి న‌ర్సింహ‌రావు ఈయ‌న వ‌ద్దే జూనియ‌ర్ ప్లీడ‌ర్ గా ప్రాక్టీస్ ప్రారంభించారు. ఈయ‌న‌కు 8 భాష‌లపై ప‌ట్టు ఉండేది. స‌భ‌ల‌లో నెహ్రూ, ప‌టేల్ లు ఇచ్చే స్పీచ్ ల‌ను తెలుగులోకి ట్రాన్స్ లేట్ చేసేవారు.

నిజాయితీ :
చాలా మంది త‌మ గురించి తాము ఎక్కువ ఊహించుకుంటారు. అంతే కాక త‌మ ఘ‌న‌త‌ను ఇత‌రుల ముందు ప్ర‌ద‌ర్శించే క్ర‌మంలో వారిని కించ‌ప‌రిచే ప్ర‌య‌త్నాలు చేస్తుంటారు. ఇలాంటి వాటికి బూర్గుల దూరం. ఆయ‌న త‌న లోపాల‌ను కూడా నిజాయితీగా ఒప్పుకునేవారు. త‌న గురించి ఎప్పుడూ గొప్ప‌లు చెప్పుకునేవారు.

ఎత్తు :
చాలా మంది ఆయన పొట్టిగా ఉండ‌డం వ‌ల్ల త‌గిన గుర్తింపు రాలేదంటుటారు. ఇది నిజం కాదు…ఆయ‌న వామ‌నుడి లాంటి వాడు …అవ‌స‌ర‌మైన‌ప్పుడు ఇంతింతై అన్న‌ట్టు ముల్లోకాల‌ను ఆక్ర‌మించే త్రివిక్ర‌ముడిగా మారి మ‌ర‌ల త‌న వామ‌న రూపంలోకి ఇమిడిపోతారు.

న్యాయ‌వాద వృత్తి :
ఫెర్గూస‌న్ కాలేజ్ లో LLB చేసిన బూర్గుల గారు హైద్రాబాద్ లో న్యాయ‌వాద వృత్తిని ప్రారంభించారు. రాజ‌కీయ కేసుల‌ను, సామాజిక కార్య‌కర్త‌ల‌పై పెట్టిన కేసుల‌ను వాదించేవారు . నిజాం కోర్టుల‌లో ఉర్దూలో, బ్రిటీష్ కోర్ట్ ( సికింద్రాబాద్ ) ల‌లో ఇంగ్లీష్ ల‌లో వాదించేవారు . పివి న‌ర్సింహారావు ఈయ‌న కింద అసిస్టెంట్ ప్లీడ‌ర్ గా ప‌నిచేశారు. కేసుకు సంబంధించిన విష‌యాన్ని ఏకాగ్ర‌త‌తో విని అప్పుడే ఆ ఫైల్ వెనుక నోట్స్ రాసుకునేవారు. కేవ‌లం ఆ నోట్స్ స‌హాయంతోనే కోర్టులో అద్భుతంగా వాదించేవారు.

బూర్గుల‌- PV న‌ర్సింహ‌రావుల‌ సంబంధం :
వీరిది గురు శిష్యుల సంబంధం… బూర్గుల వ‌ద్ద ప‌నిచేసే వారిలో PVనే అంద‌రికంటే జూనియ‌ర్ కావ‌డంతో అత‌నిపై ప్ర‌త్యేక ప్రేమ‌ను చూపేశారు బూర్గుల‌. బూర్గుల ఆఫీస్ లోని క‌ఠిన‌మైన కేసుల‌కు సంబంధించిన ఫైల్స్ ను PV ప‌రిశీలిస్తూ ఉండేవాడు. అన‌తి కాలంలోనే ఇద్ద‌రూ కూర్చొని కేసుల‌పై చ‌ర్చించేవారు. PV ఆత్మ‌విశ్వాసాన్ని నింపారు.

అంద‌రి మేలు కోసం:
బూర్గుల‌ది విశాల దృక్ప‌థం. సామాన్యుల‌కు న్యాయం చేసే క్ర‌మంలో త‌న‌కు,త‌న వాళ్ల‌కు న‌ష్టం జ‌రుగుతుంద‌ని తెలిసినా ధైర్యంగా అనేక‌ నిర్ణ‌యాలు తీసుకున్నారు. బూర్గుల‌ది జాగిర్దారీ కుటుంబ‌మే అయినా జాగిర్ద‌రీ వ్య‌వ‌స్థ ర‌ద్దుకై పోరాటం చేశాడు. కౌలుదారి చ‌ట్టాన్ని అమ‌లు చేశారు. హైద్రాబాద్ సంస్థానవిచ్చితి జ‌రిగితే త‌న‌కు రాజ‌కీయంగా ఇబ్బంది అని తెలిసినా అంద‌రికీ ఆమోద‌యోగ్య‌మైన నిర్ణ‌యం తీసుకున్నాడు

భాష‌లు :
తెలుగు, ఇంగ్లీష్, ఉర్దూ, ఫార్సీ, క‌న్న‌డం, మ‌రాఠీ, హిందీ, సంస్కృతం …ఈ భాష‌ల్లో బూర్గుల పండితుడు

ఉప‌కార‌శీలి :
ఎంత‌టి ప‌నిలో వెళుతున్న‌ప్ప‌టికీ…. ఎవ‌రైనా బాధ‌ల‌ను చెప్పుకోడానికి త‌న ద‌గ్గ‌ర‌కు వ‌స్తే ఖ‌చ్చింత‌గా ఆగి ఓపిక‌గా వినేవారు. ఈ కార‌ణంగా మీటింగ్ ల‌కు ఆల‌స్యంగా వెళ్లేవారు. ఇక స్నేహితులు ద్రోహం చేసిన‌ప్పుడు, ప్ర‌త్య‌ర్థులు దూషించిన‌ప్పుడు ” అవ‌న్నీ ఆట‌లో ఉండేవేగా” అనేవారు.