ఈ మధ్య కాలంలో అత్యాచారాలు ఆందోళన కలిగిస్తున్నాయి. తాజాగా మధ్యప్రదేశ్ లో ఒక ఘటన జరిగింది. ఈ ఘటనలో ఒక మహిళ చేసిన పని చూసి పోలీసులు కూడా షాక్ అయ్యారు. అసలు ఎం జరిగిందో ఈ స్టోరీలో చూద్దాం. జాతీయ మీడియా నివేదిక ప్రకారం మధ్యప్రదేశ్ లోని సిధి జిల్లాలో తన ఇంట్లో చొరబడి అత్యాచారానికి ప్రయత్నించిన ఒక వ్యక్తిని మహిళ అడ్డుకునే ప్రయత్నం చేసింది.

అయినా సరే అతన్ని ఆమె అడ్డుకోవడంలో ఫెయిల్ అయింది. ఇక ధైర్యం చేసి ఒక పని చేయాలని నిర్ణయం తీసుకుంది. తనను రేప్ చేయడానికి ప్రయత్నించిన 45 ఏళ్ల మహిళ పురుషుడి జననాంగాలను నరికేసింది. ఈ విషయం పోలీసులు మీడియాకు వెల్లడించారు. జిల్లా ప్రధాన కార్యాలయం నుండి సుమారు 50 కిలోమీటర్ల దూరంలో ఉన్న ఉమారిహా గ్రామంలో గురువారం రాత్రి 11 గంటల సమయంలో ఈ సంఘటన జరిగింది.

ఈ సంఘటన జరిగినప్పుడు మహిళ… తన భర్త బయటకు వెళ్ళాడు అని, అప్పుడు ఈ ఘటన జరిగింది అని పోలీసులకు వివరించింది. ఖడ్డీ పోలీసు అవుట్‌పోస్ట్ ఇన్‌ఛార్జి సబ్ ఇన్‌స్పెక్టర్ (ఎస్‌ఐ) ధర్మేంద్ర సింగ్ రాజ్‌పుత్ మాట్లాడుతూ, “నిందితుడు వారి ఇంట్లోకి ప్రవేశించి అత్యాచారం చేయబోయాడు అని… అపుడు ఆ మహిళ తన 13 ఏళ్ల కుమారుడితో కలిసి ఇంట్లో ఉంది అని చెప్పారు.

ఆమె కుమారుడు ఇంటి నుండి సహాయం కోసం బయటకు వచ్చాడని… అనంతరం నిందితుడు మహిళను కొట్టాడు అని తెలిపారు. ఆమెపై లైంగిక వేధింపులకు ప్రయత్నించాడు అని… ఆమె 20 నిమిషాల పాటు అతని ప్రయత్నాన్ని ప్రతిఘటించింది అని పోలీసులు వివరించారు. “తనను తాను రక్షించుకునే ప్రయత్నంలో, ఆ మహిళ తన మంచం క్రింద ఉన్న కొడవలిని తీసుకొని పురుషుడి జననాంగాలను నరికివేసింది అని చెప్పారు. శుక్రవారం తెల్లవారుజామున 1.30 గంటల సమయంలో అతనిపై ఫిర్యాదు చేసింది అని రాజ్‌పుత్ చెప్పారు. అత్యాచారం చేసిన నిందితుడిపై ఐపిసి సెక్షన్ 354, 456 294 (అశ్లీల చర్యలు), 506 (క్రిమినల్ బెదిరింపు) కింద కేసు నమోదు చేసారు.