ఎక్స్ షోరూం ధ‌ర‌కు, ఆన్ రోడ్ ధ‌రకు తేడా ఏంటీ?

ప్ర‌క‌ట‌న‌ల్లో క‌నిపించే ధ‌ర‌లు ఎక్స్ షోరూం ధ‌ర‌లు….వాటిని చూసి అంత‌కే వాహ‌నాన్ని కొనుగోలు చేయొచ్చు అనుకుంటే పొర‌పాటే….ఎక్స్ షో రూం ధ‌ర‌పై క‌నీసం 10 శాతం అధ‌నంగా క‌లిపి ఆన్ రోడ్ ధ‌ర ఉంటుంది!

• ఎక్స్ షోరూం ధ‌ర:
  వాహ‌నాన్ని డీల‌ర్లు క‌స్ట‌మ‌ర్ల‌కు అమ్మే బేసిక్ రేట్ ను ఎక్స్ షోరూం రేట్ అంటారు. ఇందులోనే డీల‌ర్ల లాభాలు, ట్రాన్స్పోటేష‌న్ ఖ‌ర్చులు, దిగుమ‌తి చేసుకున్న రాష్ట్రాల‌కు క‌ట్టే ఆక్ట్రోయ్ ప‌న్నులు క‌లిపి ఉంటాయి. ఇది ఒక్కో సిటీకి ఒక్కోలా ఉంటుంది

• ఆన్ రోడ్ ధ‌ర:  వాహ‌నం ఫైన‌ల్ రేట్ ను ఆన్ రోడ్ రేట్ అంటారు. దీనిలో రిజిస్ట్రేష‌న్ చార్జీలు, లైఫ్ టైమ్ రోడ్ టాక్స్ ,ఖ‌చ్చిత‌మైన ఇన్సురెన్సులు క‌లిపి ఉంటాయి. కొంత మంది డీల‌ర్లు అధ‌న‌పు యాక్సెస‌రీస్ , అధిక వారెంటీ పేరుతో మ‌రింత రేటును పెంచే ప్ర‌య‌త్నం చేస్తారు…యాక్సెస‌రీస్, అధ‌న‌పు వారెంటీలు మీకు అవ‌స‌ర‌మైతేనే తీసుకోండి

కొత్త వాహ‌నం కొనేట‌ప్పుడు ఏం ఏం ఛార్జీలు ఉంటాయి.!

రిజిస్ట్రేష‌న్ ఛార్జ్: 
RTO ఆఫీస్ లో వాహ‌నం మ‌న పేరు మీద రిజిస్ట్రేష‌న్ చేసుకోవాల్సి ఉంటుంది. ఈ రేట్ ఒక్కో రాష్ట్రంలో ఒక్కోలా ఉంటుంది. తెలంగాణ లో…. టూ వీల‌ర్ మీద 9శాతం, ఫోర్ వీల‌ర్ మీద 12%( 10 ల‌క్ష‌ల లోపు) 14% ( 10 ల‌క్ష‌ల పైన )గా ఉంది. ( ఇది ఆన్ రోడ్ ధ‌ర‌లోనే క‌లిసి ఉంటుంది)

లైఫ్ టైమ్ రోడ్ టాక్స్ :
10-15 సంవ‌త్స‌రాల రోడ్ టాక్స్ కోసం…లైఫ్ టైమ్ రోడ్ టాక్స్ క‌ట్టాల్సి ఉంటుంది. ఇది కూడా రాష్ట్రాన్ని బ‌ట్టి మారుతుంటుంది. టూ వీల‌ర్ కు ఓ రేట్, 4 వీల‌ర్ కు మరో రేట్ ఉంటుంది. ఎక్స్ షోరూం ధ‌ర‌పై 3 నుండి 20 శాతం వ‌ర‌కు ఈ టాక్స్ ఉంటుంది. (ఇది ఆన్ రోడ్ ధ‌ర‌లోనే క‌లిసి ఉంటుంది)

ఇన్సూరెన్స్:
ఇది బండి సామ‌ర్థ్యాన్ని, ఎక్స్ షోరూం ధ‌ర ను బ‌ట్టి నిర్ణ‌యిస్తారు. ఖ‌చ్చితంగా ఇన్సురెన్స్ చేసుకోవాల్సి ఉంటుంది

హ్యాండ్లింగ్ ఛార్జీలు :
మ‌నం ఆర్డ‌ర్ ప్ర‌కారం….వాహ‌నాన్ని కంపెనీ నుండి గోదాముకు, అక్క‌డి నుండి షోరూం  తీసుకొచ్చి మ‌న‌కు అందిస్తారు. దానిపై హ్యాండ్లింగ్ ఛార్జీలు అంటూ కొంత అమౌంట్ ను యాడ్ చేస్తారు…అయితే సుప్రీం కోర్ట్ ఈ చార్జీలు చ‌ట్ట‌విరుద్ద‌మ‌ని తీర్పునిచ్చింది..ఎందుకంటే ఎక్స్ షోరూం ధ‌ర‌లోనే డీల‌ర్ల లాభాలు క‌లిపి ఉంటాయ‌ని మ‌ళ్లీ అధ‌నంగా క‌స్ట‌మ‌ర్ల నుండి డ‌బ్బులు తీసుకోకూడ‌ద‌ని పేర్కొంది!