నేడు పంచాయతీ రాజ్ డే ... దీని ప్రత్యేకత ఏంటి? గ్రామ పంచాయితీలు చేయాల్సిన 29 పనులేవి?

నేడు అనగా …. ఏప్రిల్ 24 న పంచాయితీలకు రాజ్యాంగ ప్రతిపత్తి లభించింది. అందుకే ఈ రోజును పంచాయతీ రాజ్ డే గా జరుపుకుంటారు.దాదాపు 30 లక్షల మంది ప్రజా ప్రతినిధులతో నడుస్తున్న ‘పంచాయితీ రాజ్ వ్యవస్థ’ ప్రపంచంలోనే అతిపెద్ద ప్రజాస్వామ్య వ్యవస్థ. దేశ వ్యాప్తంగా 718 జిల్లా పంచాయితీలు,6,097 మండల పంచాయితీలు, 2,34,676 గ్రామ పంచాయితీలు పనిచేస్తున్నాయి. గణాలకు వెన్నెముకగా పనిచేస్తున్న వీరందరికి మనందరి తరపున పంచాయతీ రాజ్ డే శుభాకాంక్షలు.

చరిత్ర :
ప్రాచీనకాలంలో గ్రామ పాలనా వ్యవస్థ అప్పటి సాంఘిక పరిస్థితుల కనుగుణంగా ఐదు ప్రధాన వృత్తి వృత్తుల ప్రతినిధులతో పనిచేశేవి…. కులాల వారీగా పెత్తనం సాగేది. స్థానిక ప్రభుత్వం అనే కాన్సెప్ట్ కు బ్రిటిష్ గవర్నర్ జనరల్ రిప్పన్ బీజాలు వేసాడు. 1919, 1935 భారత ప్రభుత్వ చట్టాలు కొంతమేరకు వీటికి బలం చేకూర్చాయి.

చట్టబద్దత :
పంచాయితీలకు చట్టబద్దత కల్పించడం కోసం పివి నరసింహారావు ప్రధానమంత్రిగా ఉన్నప్పుడు 1991లో పార్లమెంట్‌లో 73వ రాజ్యాంగ సవరణ బిల్లును ప్రవేశపెట్టారు. ఇది 1992లో ఆమోదం పొందింది. రాష్ట్ర జాబితాలోని అంశాలకు సంబంధించిన బిల్లు కనుక దీన్ని 50 శాతం కన్నా తక్కువ కాకుండా రాష్ట్ర శాసనసభలు ఆమోదించాలి. ఈ బిల్లుకు 17 రాష్ట్రాలు ఆమోదం తెలిపాయి. నాటి రాష్ట్రపతి శంకర్‌దయాళ్‌శర్మ ఈ బిల్లుపై 1993 ఏప్రిల్ 20న సంతకం చేశారు. ఇది 1993 ఏప్రిల్ 24 నుంచి అమల్లోకి వచ్చింది.

రాజ్యాంగం లోని IXవ భాగంలో 243, 243 ‘A’ నుంచి 243 ‘O’ వరకు పంచాయతీ నిర్మాణానికి సంబంధించిన వివరణను 11వ షెడ్యూల్‌లో పంచాయతీలు నిర్వర్తించాల్సిన 29 విధులను చేర్చారు.

Advertisements