నా కూతుర్ని నేనే గొలుసుల‌తో బంధిస్తాను….ఈ క‌ష్టం ఏ త‌ల్లికి రాకూడ‌దు.!

నా కూతుర్ని నేనే గొలుసుల‌తో బంధిస్తాను. అవి ఆమె కాళ్ల‌కు వేసిన‌ట్టుగా కాక నా గుండెకు వేసుకున్న సంకెళ్ల‌లా అనిపిస్తాయి! ఏం చేస్తాం ప‌రిస్థితి అలాంటిది.! నా కూతురు మాన‌సిక విక‌లాంగురాలు…… నాకు భ‌ర్త లేడు! మూడిళ్ల‌ల్లో పాచి ప‌ని చేసుకుంటూ జీవితాన్ని నడిపిస్తున్న దాన్ని! పాప‌ను ఎన్నో హాస్పిట‌ల్స్ తిప్పాను అయినా ప్ర‌యోజ‌నం లేకుండా పోయింది!

మొద‌ట్లో ఇంట్లో ఉంచి నేను ప‌నికి వెళ్లేదాన్ని….కానీ నేను వ‌చ్చే వ‌ర‌కు త‌ను వీధిబాల‌ల ద‌గ్గ‌ర ఉండేది! ఈ వీధి బాల‌ల‌కు డ్ర‌గ్స్ అల‌వాటు ఉండేది!
ఒకసారైతే ఇంట్లోంచి వెళ్లిపోయింది…త‌న కోసం రాత్రి ప‌గ‌లు వెతికాను…చివ‌ర‌కు ఓ చెత్త కుప్ప ద‌గ్గ‌ర క‌నిపించింది! అప్ప‌టికే ఆమె మీద శారీర‌కంగా దాడి చేసిన గాయాలు క‌నిపించాయి. త‌నేమీ చెప్పే ప‌రిస్థితిలో లేదు…. ర‌క్త‌మోడుతున్నా…అమాయ‌కంగా న‌వ్వుతూనే ఉంది…. కూతుర్ని ఆ స్థితిలో చూసి గుండె త‌రుక్కుపోయింది. అందుకే అప్ప‌టి నుండి నేను ప‌నికి వెళ్లే ముందు….త‌న కాళ్ల‌కు సంకెళ్లు వేసి వెళ‌తాను…. బాధ‌గానే ఉంటుంది కానీ నాకు నా చిట్టి త‌ల్లి భ‌విష్య‌త్ ముఖ్యం, త‌న భ‌ద్ర‌త ముఖ్యం, కామాంధుల బారిన ప‌డ‌కుండా త‌న‌ను ర‌క్షించుకోవ‌డం ముఖ్యం …అందుకే ఈ సంకెళ్లు.! ఆమె కాళ్ల‌కు…నా గుండెకు!