లైసెన్స్ లేద‌ని ఫైన్ వేస్తే...5 రోజుల్లో లైసెన్స్ ను చూపించి ఫైన్ ను క్యాన్స‌ల్ చేసుకోవొచ్చు! ఇలాంటి ముఖ్య‌మైన చ‌ట్టాలు..మీకోసం!

సాధారణంగా మన దేశంలో పోలీసులంటే భయం..పోలీస్ స్టేషన్ గడప తొక్కడం అంటే పరువు తక్కువ పని కింద జమ కడతారు.. చాలా తక్కువగా పోలీసులతో ఇంటరాక్ట్ అవ్వడానికి చూస్తారు..కానీ మన రోజువారి పనుల్లో ఎక్కువగా ట్రాఫిక్ పొరపాట్లు చేసి పోలీసుల చేతికి చిక్కుతుంటాం.. కాబట్టి మోటార్ వెహికిల్ యాక్ట్ కి సంబంధించిన చిన్నచిన్నవిషయాలు తెలుసుకుంటే ఇకపై అలాంటి తప్పులు చేయకుండా ఉంటాం.

మోటార్ వెహికల్ చట్టం, 1988 సెక్షన్ 128ప్రకారం ఒక టూవీలర్ పైన కేవలం ఇద్దరు మాత్రమే ప్రయాణించాల్సి ఉంటుంది. కారులో అయితే నలుగురికి మాత్రమే అవకాశం.

సెక్షన్ 129 ప్రకారం బైక్ పై ప్రయాణించే ఇద్దరు వ్యక్తులు కూడా హెల్మెట్ ధరించాల్సి ఉంటుంది..కానీ మనలో చాలామంది బైక్ రైడ్ చేసే వాళ్లు మాత్రమే హెల్మెట్ పెట్టుకుంటూ ఉంటారు..చాలా సంధర్బాల్లో వారు కూడా నెగ్లెక్ట్ చేస్తుంటారు..ఏటా సంభవించే రోడ్డు ప్రమాద మరణాల్లో హెల్మెట్ లేకుండా మరణించే వారి సంఖ్య లక్షన్నర పైనే..!

ఈ పాయింట్ మీకందరికి సంతోషాన్ని కలిగిస్తుంది.. సాధారణంగా మనం రూల్ అతిక్రమించినా లేదంటే చలానా కట్టకపోతే ట్రాఫిక్ పోలీసులు మన కారు లేదా బైక్ కీ లాక్కుంటారు.. మనం బిక్కముఖాలు వేసుకుని నిల్చుంటాం.. కానీ అది చట్టవిరుద్దం. మనం సదరు అధికారిపై చట్టపరమైన చర్యలు తీసుకోవడానికి పూర్తి హక్కు ఉంటుంది.

మీరు డ్రైవింగ్ చేసే సమయంలో మీ దగ్గర లైసెన్స్, RC, పొల్యుషన్ చెకింగ్ సర్టిఫికెట్(PUC) ఒరిజినల్ వి ఉండడం కంపల్సరి, జెరాక్స్ ,లేదంటే అటెస్టెడ్ కాపీస్ చూపిస్తే చెల్లదు…మొబైల్ లో అయినా ఫొటో తీసి పెట్టుకోవడం బెటర్..డిజిటల్ లాకర్లో సేవ్ చేసుకున్న కాపీస్ ని కూడా చూపించే వెసలుబాటు ఉంటుంది.