ఇది కదా క్రికెట్ అంటే: రన్ అవుట్ చేసే ఛాన్స్ వచ్చినా కావాలని వదిలేసిన కీపర్

స్పిరిట్ ఆఫ్ క్రికెట్ అనేది మనం ఎక్కువగా వినే మాట. క్రికెట్ లో క్రీడా స్ఫూర్తి అనేది చాలా కీలకం. ప్రత్యర్థి జట్ల ఆటగాళ్ళ షూ లేస్ కట్టే దగ్గరి నుంచి మన్కడింగ్ అవుట్ వరకు ఎన్నో ఉంటాయి. ప్రతి ఒక్కరికి ఒకే రకమైన దృక్కోణం ఉండదు. కాని ఆడే టైం లో మాత్రం క్రీడా స్ఫూర్తి ఉండటం అనేది చాలా అవసరం. తాజాగా నేపాల్ జట్టు కీపర్ అది స్పష్టంగా చూపించాడు.

Also Read:క్రెడిట్ కార్డు ఏ బ్యాంకులో తీసుకోవడం బెస్ట్…?

నేపాల్ వికెట్ కీపర్ ఆసిఫ్ షేక్ ఐర్లాండ్‌తో జరిగిన మ్యాచ్ లో… ఒక రన్ అవుట్ విషయంలో చూపిన స్ఫూర్తి ప్రపంచ వ్యాప్తంగా క్రికెట్ అభిమానులను ఆశ్చర్యపరిచింది. 18వ ఓవర్ మూడో బంతికి ఐర్లాండ్ బ్యాట్స్‌మెన్ ఆండీ మెక్‌బ్రైన్ వేగంగా సింగిల్ తీయాలని చూస్తున్న తరుణంలో నేపాల్ బౌలర్ కమల్ సింగ్‌ను ఢీకొట్టడంతో కింద పడ్డాడు. వెంటనే బాల్ కీపర్ వద్దకు రావడంతో… దాదాపు అందరూ రన్ అవుట్ అనుకున్నారు.

కాని కింద పడటాన్ని అర్ధం చేసుకుని రన్ అవుట్ చేయలేదు. దీనికి సంబంధించిన వీడియో సోషల్ మీడియాలో వైరల్ గా మారింది. 2021-22 ఒమన్ క్వాడ్రాంగ్యులర్ సిరీస్‌లో భాగంగా ఈ సంఘటన చోటు చేసుకుంది. అగ్ర జట్లలో ఉండే ఆటగాళ్ళు మ్యాచ్ విజయం కోసం రన్ అవుట్ చేయడానికి కక్కుర్తి పడుతూ ఉంటారు. కాని ఇక్కడ మాత్రం విజయం కంటే క్రీడా స్ఫూర్తి ముఖ్యమని ప్రూవ్ చేసాడు.

Also Read:వాటర్ బాటిల్ కు కూడా ఎక్స్పైరీ డేట్ ఉంటుందా…? బాటిల్ లో నీళ్ళు ఎన్ని గంటల్లో తాగాలి…?

? Spirit of cricket ?

Drop a ‘♥️’ below to show your appreciation for this golden gesture!

? Tune in to #FanCode and never miss moments like this again ? https://t.co/ccITeVbFiv@cricketireland @CricketNep pic.twitter.com/b4vzDyyyNU

— FanCode (@FanCode) February 14, 2022