జేమ్స్ కెమెరూన్ టైటానిక్ కు ముందే…..టైటానిక్ ఘ‌ట‌న జ‌రిగిన 29 రోజుల‌కే దానిపై ఓ సినిమా వ‌చ్చింది. ఆ మూవీ విశేషాలు!

మనకి  టైటానిక్  అనగానే  జేమ్స్ కెమెరూన్ తీసిన సినిమానే  గుర్తొస్తుంది.!   కానీ  కెమ‌రూన్ టైటానిక్ సినిమా కంటే ముందే….టైటానిక్ ప‌డ‌వ ప్ర‌మాదం జ‌రిగిన 29 రోజుల‌కు ఓ సినిమా విడుద‌లైంది. కాకపోతే ఇదో మూకీ చిత్రం, ఈ చిత్ర నిడివి 10 నిమిషాలు….మ‌రో విశేష‌మేంటంటే…..అదే టైటానిక్ లో ప్ర‌యాణించి ప్రాణాల‌తో బ‌య‌ట‌ప‌డిని సినీ న‌టి తీసిన చిత్ర‌మిది!

సౌతాంప్ట‌న్ నుండి  న్యూయార్క్ కి  బయలుదేరిన టైటానిక్  ఓడ  1912  ఏప్రిల్ 17 న  అట్లాంటిక్ సముద్రంలో  మునిగిపోయిన  సంగతి  మనందరికీ తెలిసిందే.  ఆ సమయానికి  అందులో  2224 మంది ప్రయాణికులున్నారు… వారిలో  1500 మందికి  పైగా మరణించారు . ప్ర‌మాదం జ‌రిగిన‌ప్పుడు టైటానిక్  ఓడ  నుండి పంపించిన  తొలి  రెస్క్యూ లో  28 మంది ప్రాణాల‌తో బ‌య‌ట‌ప‌డ్డారు.

అలా బ‌య‌ట‌ప‌డిని 28 మందిలో ఒక‌రు…..అమెరికాకు చెందిన డోరోతి గిప్సన్  అనే న‌టి! ప్ర‌మాదం నుండి బ‌య‌ట‌ప‌డ‌గానే….  ఆ విషాదానికి  సంబంధించిన  తన  జ్ఞాపకాలతో ఆమె  వెంటనే  ఒక స్క్రిప్ట్   రాసారు …..టైటానిక్ ను, ఐస్ బ‌ర్గ్ ల‌ను క్రియేట్ చేసి  న్యూ జర్సీ స్టూడియోలో  షూటింగ్  జరిపారు.  పది  నిమిషాల నిడివి  ఉన్న‌  ఈ సినిమా ని  1912 మే  14 న అంతర్జాతీయంగా  విడుదల  చేస్తే  ప్రేక్షకులు విపరీతంగా  చూసారు .

ఆ సినిమా  పేరు  “సేవ్డ్ ఫ్రమ్ థి టైటానిక్ ”   ఇదొక మూకీ  సినిమా .  అయితే  ఈ సినిమా  కాపీ  1914 మార్చిలో  జరిగిన  ఓ అగ్నిప్రమాదంలో తగలబడిపోవడం  మరో  విషాదం . అంటే  జల సమాధికి  సంబంధించిన  సినిమా  అగ్గికి  ఆహుతైందన్నమాట .