50 క‌ల‌లు…అంటూ సుశాంత్ త‌న హ్యాండ్ రైటింగ్ తో రాసిన పేప‌ర్.!

June 15, 2020 by Admin

విమానం ఎలా ఎగురుతుందో తెలుసుకోవాలి… మహిళలకు సెల్ప్ డిఫెన్స్ కోచింగ్ ఇప్పించాలి..ఉచిత విద్య అందించాలి.. ఇవి సుశాంత్ రాసుకున్న కలల లిస్టులో కొన్ని..మొత్తం యాభైకలల్ని రాసుకున్నాడు..అవి తీరకుండానే ప్రపంచాన్ని దు:ఖంలో ముంచి వెళ్లిపోయాడు.. సుశాంత్ కోరికల లిస్టు ఇప్పుడు సోషల్ మీడియాలో వైరలవుతోంది..

తన స్వదస్తూరితో రాసిన కోరికలన్నింటిని ఎప్పటికప్పుడు రాసి ట్విట్టర్లో శేర్ చేసేవాడు సుశాంత్.. ఒకటి రెండు కాదు సుమారు 50కోరికల వరకు రాసుకున్నాడు సుశాంత్. . ఇంజినీరింగ్ చదివే రోజులనుండి ఈ అలవాటున్న సుశాంత్..వాటిల్లో కొన్ని కలల్ని తీర్చుకున్నాడు..ఫుల్ ఫిల్ చేసుకున్న డ్రీమ్స్ ని టిక్ చేసి పెట్టేవాడు..

సుశాంత్ రాసుకున్న కలల చిట్టా కేవలం తనకోసం మాత్రమే కాదు..అందులో ఎక్కువ కలలు సొసైటికి ఏం చేయాలి.. ఇతరులకు తనెంత వరకు సాయం చేయగలడు అంటూ తాపత్రయపడుతూ రాసినవే. ఉచిత విద్య అందించాలి..వెయ్యి మొక్కలు నాటాలి..ఇవి సుశాంత్ కలల్లో కొన్ని.. మహిళలకు సెల్ఫ్ డిఫెన్స్ కోచింగ్ ఇప్పించాలి అనేది సుశాంత్ కల…అందులో భాగంగానే ఒకసారి ఆర్మి క్యాంప్లో కొందరికి సుశాంత్ స్వయంగా సెల్ఫ్ డిఫెన్స్ టెక్నిక్స్ నేర్పించాడు..

Advertisements

స్వతహాగా బ్రిలియంట్ అయిన సుశాంత్ ఆలోచనలు ఎప్పుడూ స్పేస్ చుట్టూనే తిరుగుతుండేవి.. మార్స్ కోడ్ నేర్చుకోవాలి.. వందమందినైనా ఇస్రో /నాసాకి పంపించాలి..పిల్లలకు స్పేస్ గురించి అవగాహన కల్పించాలి..ఛాంపియన్ తో టెన్నిస్ ఆడాలి..లెఫ్ట్ హ్యాండ్ తో క్రికెట్ ఆడాలి..ఇవి తన కలల లిస్టులో మరికొన్ని..

ఏదైనా అనుకుంటే సాధించి తీరాలి అనేది సుశాంత్ ధోరణి.. ఎక్కడ అయినా ఏ కార్యక్రమంలో అయినా తనకంటూ గుర్తింపు తెచ్చుకోవాలి..తానే ముందుండాలి..తన మార్క్ కనపడాలి అని ఆరాటపడే సుశాంత్ చివరికి చావు విషయంలో కూడా అంతే తొందరపడ్డాడు.. తన కలలు తీరకుండానే వెళ్లిపోయాడు..