షూటింగ్ తీసే స‌మ‌యంలో క్లాప్ బోర్డ్ ఎందుకు కొడ‌తారు? దీని వ‌ల్ల క‌లిగే లాభ‌మేంటి?

చూడ‌డానికి చిన్న వ‌స్తువే అయిన‌ప్ప‌టికీ …..ఈ క్లాప్ బోర్డ్ ను ప్రాప‌ర్ గా వాడితే సినిమాపై అన‌వ‌స‌రంగా పెట్టే ల‌క్ష‌ల రూపాయ‌ల వృథా ఖ‌ర్చుతో పాటు టైమ్ ను కూడా సేవ్ చేసుకోవొచ్చు ! పోస్ట్ ప్రొడ‌క్ష‌న్ వ‌ర్క్ స్మూత్ గా అవ్వడానికి ఈ క్లాప్ బోర్ట్ చాలా ఉప‌యోగ‌ప‌డుతుంది! అదే స‌మ‌యంలో ఎడిట‌ర్ రిస్క్ ను త‌గ్గిస్తుంది.

లొకేష‌న్ ను బ‌ట్టి…. ఆర్టిస్టుల అందుబాటుని బ‌ట్టి… సినిమాకు సంబంధించిన సీన్లల‌ను ఓ క్ర‌మ‌ప‌ద్ద‌తిలో కాకుండా అనుకూల‌త‌ను బ‌ట్టి తీస్తుంటారు. అలా తీసే స‌మ‌యంలో క్లాప్ బోర్డ్ తో క్లాప్ కొట్టి తీస్తారు. ఆ క్లాప్ బోర్డ్ మీద రాసి ఉన్న పాయింట్స్ ఆధారంగా ఎడిట‌ర్ కు సీన్ల‌ను పిక్ చేసుకోవ‌డం…. ఓ వ‌రుస క్ర‌మంలో అమ‌ర్చడం ఈజీ అవుతుంది. దానితో పాటు క్లాప్ బోర్డ్ మీద ఉన్న అంశాల ఆధారంగా ఎలాంటి అవుట్ పుట్ రావాలో ముందుగానే ఓ అవ‌గాహ‌న‌కు వ‌స్తాడు ఎడిట‌ర్.

క్లాప్ బోర్డ్ మీద రాసి ఉండే అంశాలు:

డేట్ – లొకేష‌న్ -డే టైమ్ లేదా నైట్ టైమ్ – ఎక్స్టీరియ‌ర్ లేదా ఇంటీరియ‌ర్- సీన్ నెంబ‌ర్ – షాట్ నెంబ‌ర్ – టేక్ ……… వీటిని గ‌మనించుకొని ది బెస్ట్ సీన్ల‌ను అంతే బెస్ట్ గా ఎడిట్ చేస్తుంటారు ఎడిట‌ర్లు!

అంతేకాదు ఆ క్లాప్ బోర్డ్ ని కొట్టిన‌ప్పుడు వ‌చ్చే సౌండ్ ఆధారంగా విజువ‌ల్ కు  కరెక్ట్ గా సౌండ్  ఎక్కడ  సింక్ చేయాలన్న  విషయం  కూడా ఈజీగా  తెలుస్తుంది .