విరాట్ కోహ్లీ ఆటిట్యూడ్ ఏలా ఉంటుంది? అత‌నికి బౌలింగ్ చేసిన ఓ యువ బౌల‌ర్ వివ‌ర‌ణ‌!

2011లో  ఇండియా V/s వెస్టిండీస్ 4వ వ‌న్డే కు ముందు ఇండియ‌న్ క్రికెట్ టీమ్ ప్రాక్టీస్ చేస్తుంది… ఆ ప్రాక్టీస్ లో టీమ్ ఇండియా బ్యాట్స్ మ‌న్ కు బౌలింగ్ చేస్తున్నారు మ‌ద్య ప్ర‌దేశ్ స్టేట్ ప్లేయ‌ర్స్….ఆ ప్రాక్టీస్ సెష‌న్ లో ఓ యువ బౌల‌ర్ విరాట్ కోహ్లీకి బౌలింగ్ చేస్తున్నాడు….

• 1st బాల్ –  అవుట్  స్వింగర్…..  కోహ్లీ దానిని వ‌దిలేశాడు.
• 2nd బాల్ – ఆఫ్ స్టంప్ ….  ఆ బాల్ ని  డిఫెన్స్ చేశాడు.
• 3rd బాల్ –  మళ్ళీ ఆఫ్ స్టంప్ లో తక్కువ  స్పీడ్ తో  వెళ్ళింది.  డిఫెన్సు  చేయబోయి మిస్  చేసాడు. వెనకాల  కీపింగ్  చేస్తున్న  పార్థివ్ పటేల్  చేతుల్లోకి వెళ్ళింది .  విరాట్ వెంటనే  షాక్ తో నావైపు  చూసాడు . ఎందుకంటే  అది చాలా మంచి డెలివ‌రీ!
• 4th  బాల్ – మిడిల్ స్టంప్ …. క్రీజ్ దాటి  ముందుకు వ‌చ్చిన కోహ్లీ ఆ బాల్ ను సిక్స్  కొట్టాడు!
• 5th  బాల్ – గుడ్ లెంత్   బాల్ ….. కోహ్లీ ట్రేడ్ మార్క్ అయిన ఫ్లిక్ తో బౌండ‌రీ కొట్టాడు.

ప్రాక్టీసు  అయిపోయాక‌…. నేను కోహ్లీతో మాట్లాడటం  జరిగింది . సార్  నా బౌలింగ్  ఎలా ఉందన్నాను?  అతను చాలా  కూల్ గా  గుడ్ అంటూనే…. ఫ్రిజ్  నుండి వాటర్ బాటిల్  తీసి… వాటర్ తాగుతారా అని అడిగాడు . నేను ఆశ్చర్యపోయాను.! టీమ్ ఇండియా బెస్ట్ క్రికెటర్  నాకు  వాటర్ అందించడమేంటని?

తర్వాత  ప్లేయర్స్ అందరూ  డ్రెస్సింగ్  రూమ్ కి  వెళ్లి విశ్రాంతి  తీసుకుంటుంటే ,  విరాట్  మాత్రం  ఫీల్డింగ్ ప్రాక్టీసు  చేయడానికి  వెళ్ళాడు. అతని  కృషి ,పట్టుద‌లే అతన్ని స‌క్సెస్ కు కార‌ణ‌మ‌ని నేను బ‌లంగా న‌మ్ముతాను.