య‌ముడి ఫార్ములాతో వ‌చ్చి….. హిట్టులు కొట్టిన తెలుగు సినిమాలు!

తెలుగు  సినిమాల్లో  రెగులర్  ఫార్ములా  కాకుండా కొంచెం  వైవిధ్యం కలగలిసిన  కాన్సెప్ట్స్ తో  మూవీస్ చేయడం  చాలా తక్కువ.!   అలాంటి  రేర్ కాన్సెప్ట్స్ లో …. యముడి కాన్సెప్ట్  ఒకటి .!   బాక్స్ ఆఫీసు  వద్ద  సూపర్ డూపర్  హిట్  అయిన  ఈ ఫార్ములా  ప్రేక్షకులను  విపరీతంగా  అలరించి…వ‌న్ ఆఫ్ ది బెస్ట్ కాన్సెప్ట్ గా మిగిలిపోయింది.

యముడు ఫార్ములాతో వచ్చిన తెలుగు సినిమాలు:

1. దేవాంతకుడు 

1960 లో  యముడు  ఫార్ముల తో  మొదలైన మొట్ట మొదటి  తెలుగు సినిమా  దేవాంతకుడు .  ఈ సినిమాలో  ఎస్ వి రంగారావు  యముడిగా ,  ఎన్టీఆర్ నరుడిగా  యాక్ట్  చేసి  మెప్పించారు .  ఈ సినిమా మంచి  విజయం  సాధించింది.

2. యమగోల 

చాలాకాలం  తర్వాత  మళ్ళీ  ఎన్టీఆర్  ఏ  1977 లో యమగోల  అనే  సినిమా చేసాడు .  ఇందులో యమలోకంలో  ఎన్టీఆర్  చేసే  హడావుడి  అందరిని అలరించింది .  యముడి  కార్యరెక్టర్ లో  కైకాల సత్యనారాయణ  ఒదిగిపోయాడు అయ్యాడు . సినిమా  కూడా  బ్లాక్ బస్టర్  హిట్  అయ్యింది .

3. యముడికి మొగుడు 

1988 లో  ఇదే ఫార్ములా తో  చిరంజీవి హీరోగా  యముడికి మొగుడు  సినిమా  చేసాడు .  ఆ సినిమా  సంచలనం సృష్టించింది .  యమలోకంలో  చిరంజీవి  బ్రేక్ డాన్స్ , ప్రేక్షకులను  భ‌లే  ఆకట్టుకున్నాయి .  ఈ సినిమాలో కూడా  యముడి  పాత్ర  సత్యనారాయణ  చేశారు .

4. యముడన్నకి మొగుడు 

1992 లో  సుమన్  హీరోగా  యముడన్నకి  మొగుడు  సినిమా  చేసారు . ఈ సినిమాలో  యముడి  పాత్రలో కోట శ్రీనివాసరావు  నటించాడు . ఈ సినిమా  ప్రజలను  అంతలా  ఆకట్టుకోలేక పోయింది .

5. యమలీల 

1994 లో  ఎస్ వి కృష్ణారెడ్డి  దర్శకత్వంలో కమిడియన్  ఆలీ  హీరో గా  వచ్చిన  సినిమా యమలీల .  ఇది  చిన్న  సినిమాగా  రిలీజ్  అయ్యి సంచలన  విజయం  సాధించింది .  ఇందులో  కూడా యముడి  పాత్రలో  సత్యనారాయణ  నటించాడు .  ఆ సమయంలో  ఈ సినిమా నాగార్జున ,  వెంకటేష్ లాంటి  స్టార్ హీరోల  సినిమాలతో  పోటీపడింది  అంటే  మాములు విషయం  కాదు .

6. యమజాతకుడు 

1999 వ  సంవత్సరంలో  మోహన్ బాబు  హీరోగా వచ్చిన  సినిమా  యమజాతకుడు .  ఈ సినిమా కూడా  ప్రేక్షకులను  అలరించి  మంచి  విజయం సాధించింది.

7. యమగోల మళ్ళీ మొదలైంది 

2007 లో  రిలీజ్  అయిన  యమగోల మళ్ళీ మొదలైంది  సినిమా  కూడా  బాక్స్ ఆఫీసు  వద్ద మంచి  విజయం  సాధించింది .  ఈ సినిమాలో సత్యనారాయణ  యముడి  పాత్రలో  మళ్ళీ అలరించాడు .

8. యమదొంగ 

2007 లో  రాజమౌళి  డైరెక్షన్లో  ఎన్టీఆర్  హీరో గా వచ్చిన  సినిమా యమదొంగ .  ఈ సినిమా  బాక్స్ ఆఫీసు  వద్ద  కలెక్షన్ల  వర్షం  కురిపించింది . ఈ సినిమాలో  యముడి పాత్రలో  మోహన్ బాబు నటించగా ,  కొన్ని  సీన్స్ లో  స్వయంగా  ఎన్టీఆర్ ఏ యముడి  పాత్రలో  కనిపించడం  స్పెషల్ ఆకర్షణ .

9. దరువు 

2012 లో  రవితేజ  చేసిన  దరువు  సినిమా కూడా యమలోకం  ఫార్ములాతో  వచ్చిందే .  ఈ సినిమా  పెద్ద హిట్  కాకపోయినా  పర్వాలేదు  అనిపించింది .

10. యముడికి మొగుడు 

2012 లో  అల్లరి నరేష్  హీరోగా  చేసిన  యముడికి మొగుడు  సినిమా ,  అంతలా  ప్రేక్షకులను అలరించలేక పోయింది .

యమలీల  తీసిన  ఎస్ వి కృష్ణారెడ్డి  2014 లో  దానికి సీక్వెల్ గా  కొత్త హీరోని  పెట్టి  చేసిన  యమలీల 2 బాక్స్  ఆఫీసు  వద్ద  పరాజయం పాలయింది.