ఈ చిన్న మిస్టేక్ చేయ‌కండి! ప‌ర్యావ‌ర‌ణాన్ని కాపాడండి!

పాల ప్యాకెట్లు, వాట‌ర్ ప్యాకెట్లు, మ‌జ్జిగ ప్యాకెట్లు…. ప్యాకెట్స్ ఏవైనా చాలా మంది ఒకే విధంగా వాడుతారు…అదెలాగంటే…కార్న‌ర్ ను చించేసి లేదా క‌త్తిరించి….దీని కార‌ణంగా ఆ క‌ట్ చేసిన కార్న‌ర్ ప‌ర్యావ‌ర‌ణాన్ని పాడు చేస్తుంది!

అదెలాగంటే….సాధార‌ణంగా పాల ప్యాకెట్లు, పెరుగు ప్యాకెట్లను లో ” పాలీ ఇథైలిన్ ” అనే ప్లాస్టిక్ తో తయారు చేస్తారు.దీనివల్ల వాటిని రీసైక్లింగ్ చేయ‌డానికి వీలు అవుతుంది. ఈ ప్యాకెట్లు పెద్ద‌విగా ఉంటాయి కాబ‌ట్టి…వాటిని సేక‌రించి రీ సైక్లింగ్ చేయొచ్చు… కానీ క‌ట్ చేసిన కార్న‌ర్స్ ను సేక‌రించ‌డం క‌ష్టం…అవి రీసైక్లింగ్ కాక‌, డీకంపోజ్ కాక….అలాగే ఉండిపోయి….ప‌ర్యావ‌ర‌ణ కాలుష్యానికి దారి తీస్తున్నాయి.!

ఒక్క బెంగుళూరు లోనే రోజుకు 30 ల‌క్ష‌ల‌కు పైగా ఈ పీసులు చెత్త‌బుట్ట‌లోకి వెళుతున్నాయ‌ట‌…అలా లెక్కేసుకుంటూ పోతే…మ‌నం చేసే చిన్న‌పొరపాటు కార‌ణంగా దేశ‌వ్యాప్తంగా ఎంత ప్లాస్టిక్ రీసైక్లింగ్ కు ప‌నికిరాకుండా పోతుందో ఊహించండి!

ఏంచేయాలి?
ఈ ప్యాకెట్స్ ను క‌ట్ చేసేట‌ప్పుడు…కార్నర్ ను పూర్తిగా కాకుండా ప్యాకెట్ తో క‌లిసి ఉండేలా మాత్ర‌మే క‌ట్ చేయాలి…దీని వ‌ల్ల ఆ కార్న‌ర్ పీస్ వేరు కాకుండా పెద్ద ప్యాకెట్ తో ఉండ‌డం వ‌ల్ల వాటిని సేక‌రించ‌డం రీసైక్లింగ్ చేయ‌డం సుల‌భం అవుతుంది. ప్ర‌తి ఇంట్లో ఇలా చేస్తే సంవ‌త్స‌రానికి 5000 ప్లాస్లిక్ పీసులు వాతావ‌ర‌ణంలో క‌ల‌ప‌కుండా ఆప‌గ‌లిగిన వాళ్ల‌మౌతాం!